राहुल गांधींचे प्रतिज्ञापत्र वैध; आक्षेप फेटाळले

काँग्रेस अध्यक्ष राहुल गांधी यांनी अमेठी मतदारसंघातून उमेदवारी अर्ज भरताना त्यासोबत केलेल्या प्रतिज्ञापत्रांमधील काही विधानांच्या खरेपणाबद्दल घेण्यात आलेले आक्षेप निवडणूक निर्णय अधिकारी राम मनोहर शर्मा यांनी फेटाळले

अमेठी : काँग्रेस अध्यक्ष राहुल गांधी यांनी अमेठी मतदारसंघातून उमेदवारी अर्ज भरताना त्यासोबत केलेल्या प्रतिज्ञापत्रांमधील काही विधानांच्या खरेपणाबद्दल घेण्यात आलेले आक्षेप निवडणूक निर्णय अधिकारी राम मनोहर शर्मा यांनी सोमवारी फेटाळले व गांधी यांचा उमेदवारी अर्ज वैध असल्याचे घोषित केले.अमेठीमधील चार व दिल्लीतील एका नागरिकाने हे आक्षेप घेतल्यानंतर शर्मा यांनी गांधी यांच्या अर्जाची विशेष छाननी व सुनावणी ठेवली होती. ती झाल्यानंतर वरील निर्णय जाहीर करण्यात आला. तो मान्य नसेल, तर निवडणूक उरकल्यानंतर त्याविरुद्ध न्यायालयात दाद मागणे एवढाच पर्याय तक्रारदारांना उपलब्ध आहे.