नवी दिल्ली : मोदी आडनाव प्रकरणी काँग्रेस नेते राहुल गांधी यांनी माफी मागण्यास नकार दिला आहे. माफी मागण्याचा प्रश्नच उद्भवत नाही. प्राथमिकरित्या ही मानहानीची केस होत नाही. माफी मागण्यासारखे कोणतेही कृत्य नाही, असे राहुल गांधी यांनी सर्वोच्च न्यायालयात दाखल केलेल्या प्रतिज्ञापत्रात म्हटले आहे.
माझ्यावरील खटला हा अपवाद आहे, त्यामुळे शिक्षेला स्थगिती द्यावी, असे राहुल गांधी यांनी म्हटले आहे. गुजरात उच्च न्यायालयाच्या निर्णयाला स्थगिती देण्याची मागणी राहुल गांधी यांनी सर्वोच्च न्यायालयाकडे केली. २०१९ च्या मानहानीच्या खटल्यात दोषी ठरविण्याच्या त्यांच्या याचिकेला पूर्णेश मोदींनी दिलेल्या उत्तरावर राहुल गांधी यांनी प्रतिज्ञापत्र दाखल केले.
या प्रकरणाशी संबंधित याचिकाकर्ते पूर्णेश मोदी यांनी स्वत:ला अहंकारी म्हणवून घेतल्याबद्दल राहुल गांधींनी त्यांच्यावर टीका केली. पूर्णेश मोदी यांनी माफी मागण्यास नकार दिल्यानेच माझ्याविरुद्ध अहंकारी शब्द वापरला आणि प्रकरण कोर्टावर सोडले, असे राहुल यांनी प्रतिज्ञापत्रात म्हटले आहे. याचबरोबर, माफी मागून या खटल्यात सुरू असलेल्या खटल्याची दिशा बदलली जाऊ शकते, असे राहुल गांधींनी आपल्या उत्तरात म्हटले आहे.
आरपी अॅक्ट अंतर्गत गुन्हेगारी प्रक्रिया आणि त्याच्या परिणामांचा वापर करणे हा देखील न्यायालयात चालू असलेल्या प्रक्रियेचा दुरुपयोग होऊ शकतो. कोणत्याही लोकप्रतिनिधीला कोणतीही चूक न करता माफी मागण्यास भाग पाडले जाऊ शकत नाही. हे लोकप्रतिनिधी कायद्यांतर्गत फौजदारी प्रक्रियेसह न्यायालयीन प्रक्रियेचा घोर दुरुपयोग आहे आणि सर्वोच्च न्यायालयाने ते मान्य करू नये, असे राहुल गांधी यांनी प्रतिज्ञापत्रात म्हटले आहे. दरम्यान, आता या प्रकरणाची सुनावणी सर्वोच्च न्यायालयात ४ ऑगस्टला होणार आहे.