ठळक मुद्देपंतप्रधान मोदींचा एक व्हिडिओ सध्या तुफान व्हायरल होतोयमोदी एका कार्यक्रमात विना मास्क पोहोचले, त्यांनी मास्क घेण्यासही नकार दिलाआम आदमी पक्षाने मोदींचा व्हिडिओ ट्विट करुन साधला निशाणा
नवी दिल्लीआम आदमी पक्षाने (आप) त्यांच्या अधिकृत ट्विट हँडलवर पंतप्रधान नरेंद्र मोदी यांचा एक व्हिडिओ ट्विट केला आहे. या व्हिडिओमध्ये पंतप्रधान मोदी मास्क न घालता कार्यक्रमात पोहोचल्याचं दिसत आहे. इतकचं नव्हे, तर एका दुकानादारानं त्यांना मास्क देऊ केला असता त्यांनी तो नाकारल्याचंही पाहायला मिळत आहे.
'आप'ने पंतप्रधान मोदींचा हा व्हिडिओ ट्विट केला. "मास्क वापरा, मोदींसारखं वागू नका", असं कॅप्शन लिहून जनतेला आवाहन करणारं ट्विट करत 'आप'ने मोदींवर निशाणा साधला आहे.
सोशल मीडियावर मोदींचा हा व्हिडिओ प्रचंड व्हायरल होत आहे. जनतेला मास्क वापरण्याचं आवाहन करणारेच मास्क वापरत नाहीत, अशी टीका नेटिझन्सकडून होत आहे.