Presidential Election 2022: राज्यसभा निवडणुकीनंतर आता सर्वांचे लक्ष पुढील महिन्यात होणाऱ्या राष्ट्रपती पदाच्या निवडणुकीवर लागले आहे. निवडणूक आयोग आज दुपारी 3 वाजता राष्ट्रपती पदाच्या निवडणुकीची तारीख जाहीर करेल. विद्यमान राष्ट्रपती रामनाथ कोविंद यांचा कार्यकाळ येत्या 24 जुलै रोजी संपत आहे.
17 जुलै 2017 रोजी शेवटची राष्ट्रपतीपदाची निवडणूक झाली होती. तेव्हा जवळपास 50 टक्के मते एनडीएच्या बाजूने पडली होती. एकूण 4,880 मतदारांपैकी 4,109 आमदार आणि 771 खासदारांनी मतदान केले. राष्ट्रपतीपदाच्या निवडणुकीत सर्वसामान्य नागरिकांचा सहभाग नसतो. लोकसभा, राज्यसभा, विधानसभा आणि विधान परिषदेवर निवडून आलेले लोकप्रतिनिधी यात मतदान करतात. जाणून घेऊन या निववणुकीचे गणित...
राष्ट्रपतीपदाची निवडणूक अशी होतेराष्ट्रपतीपदाच्या निवडणुकीत खासदारांच्या मतांच्या किमतीचे गणित वेगळे असते. सर्व प्रथम, सर्व राज्यांच्या विधानसभाच्या आमदारांच्या मतांचे मूल्य जोडले जाते. या एकत्रित मूल्याला राज्यसभा आणि लोकसभेच्या एकूण सदस्य संख्येने भागले जाते. अशा प्रकारे मिळालेली संख्या ही खासदाराच्या मताचे मूल्य असते.
खासदार-आमदारांच्या मतांचे मूल्यदेशात एकूण 776 खासदार आहेत (लोकसभा आणि राज्यसभेसह). प्रत्येक खासदाराच्या मताचे मूल्य 708 आहे. देशात एकूण 4120 आमदार आहेत. प्रत्येक राज्याच्या आमदाराच्या मताचे मूल्य वेगळे असते. उदाहरणार्थ, उत्तर प्रदेशच्या एका आमदाराच्या मताचे मूल्य 208 आहे. आमदाराच्या बाबतीत, ज्या राज्यात आमदार आहे तिथली लोकसंख्या पाहिली जाते. यासोबतच त्या राज्याच्या विधानसभेच्या सदस्यांची संख्याही विचारात घेतली जाते. मूल्य मोजण्यासाठी, राज्याची लोकसंख्या एकूण आमदारांच्या संख्येने भागली जाते. अशा प्रकारे प्राप्त झालेल्या संख्येला 1000 ने भागले जाते. आता जो आकडा उपलब्ध आहे तो त्या राज्यातील आमदाराच्या मताचे मूल्य आहे.
असा ठरतो विजयराष्ट्रपतीपदाच्या निवडणुकीत सर्वाधिक मते मिळणे हे विजय निश्चित करत नाही. मतदारांच्या एकूण मतांपैकी निम्म्याहून अधिक म्हणजे खासदार आणि आमदारांच्या मतांचे वेटेज प्राप्त करणारा राष्ट्रपती होतो. अध्यक्षपदाच्या निवडणुकीसाठी इलेक्टोरल कॉलेजच्या सदस्यांच्या मतांचे एकूण वेटेज 1098882 आहे. उमेदवाराला विजयासाठी 549441 मते मिळणे आवश्यक आहे.