विभाष झा, लोकमत न्यूज नेटवर्क
भितिहरवा (बिहार) : निवडणूक रणनीतीकार प्रशांत किशोर यांनी ३,५०० कि.मी.च्या पदयात्रेला गांधी जयंतीचे औचित्य साधून रविवारी येथील गांधी आश्रमातून प्रारंभ केला.
त्यांच्या राजकारणातील प्रवेशाची नांदी म्हणून याकडे पाहिले जात आहे. पदयात्रेदरम्यान ते प्रत्येक पंचायतीला भेट देण्याचा प्रयत्न करणार असून, ही यात्रा पूर्ण होण्यास १२ ते १५ महिने लागतील. बिहारचा कायापालट करण्यासाठी त्यांनी मे महिन्यात ‘जन सुराज’ या अभियानाची घोषणा केली होती. पदयात्रा त्याच एक भाग आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"