बरेली – उत्तर प्रदेशच्या बरेली जिल्ह्यात एक नवरी तिच्या होणाऱ्या नवऱ्याच्या नावाची मेहंदी लावून लग्नाच्या मुहूर्ताची वाट बघत होती. घरात लग्नाचे वातावरण असल्याने सगळीकडे आनंद पसरला होता. तेव्हा अचानक एक बातमी धडकते आणि लग्नासाठी जमलेल्या सर्व पै-पाहुण्यांमध्ये कुजबुज सुरू होते. नवरा-नवरीचे कुटुंब हैराण होते.
ही बातमी होती, लग्नाआधीच नवरा मेव्हणीला घेऊन पसार झाला. या घटनेने कुटुंबाला धक्का बसतो. नवऱ्याचे प्रेम प्रकरण नवरीसह तिच्या बहिणीसोबतही होते हे समोर येते. त्यात ऐन लग्नाच्या वेळेत नवरदेव मेव्हणीला घेऊन पळून जातो. बरेलीतील नवाबगंज परिसरातील ही घटना आहे. इथं राहणाऱ्या युवकाचं त्याच्या नात्यातील एका मुलीसोबत लग्न ठरले होते. लग्नासाठी दोन्ही कुटुंब तयारी करत होते. परंतु लग्नाच्या दिवशी नवरदेव होणाऱ्या नवरीच्या बहिणीला घेऊन पळून गेल्याची बातमी येते. इतकेच नाही तर नवऱ्याचे नवरीसोबतही अफेअर होते हे कळाल्याने कुटुंब हैराण झाले.
विशेष म्हणजे लग्नासाठी आधी दोन्ही कुटुंब नकार देत होते. मात्र दोघांनी कुटुंबाला समजवल्यानंतर लग्नाला त्यांनी होकार दिला. लग्नाची तारीख निश्चित झाली, ६ ऑगस्टला लग्न होणार होते. सर्व तयारी झाली होती. नवरा वऱ्हाडीमंडळीसोबत लग्नस्थळी पोहचला. परंतु लग्नाच्या विधी सुरू असतानाच तो मध्येच उठून गायब झाला. नवऱ्याला खूप ठिकाणी शोधले पण तो सापडला नाही. त्यानंतर नवरीची बहिणदेखील कुठे दिसत नव्हती. तेव्हा नवरदेव होणाऱ्या नवरीच्या बहिणीला घेऊन पळाला हे सगळ्यांचे लक्षात आले.
नवऱ्याचे एकाचवेळी नवरी आणि तिच्या बहिणीसोबत अफेअर होते. परंतु नवरी मुलीला त्याची भनकही नव्हती. या दोघांचा शोध आता घेतला जात आहे. हा प्रकार समोर येताच दोन्ही कुटुंबाने पोलीस ठाण्यात धाव घेत तक्रार दाखल केली आहे. सध्या पोलीस नवरा आणि मेव्हणीचा शोध घेत आहेत.