नागपूर : नागपूर शहर पोलीस दलात गुरुवारी उशीरा काही बदल करण्यात आले. १० वरिष्ठ पोलीस निरीक्षकांच्या पोलीस आयुक्तांच्या निर्देशानंतर बदल्या करण्यात आल्या. त्यातून सात पोलीस ठाण्यांना नवीन ठाणेदार मिळाले आहेत.
विशेष शाखेचे हेमंत चांदेवार यांची लकडगंज पोलीस ठाण्याच्या वरिष्ठ पोलीस निरीक्षकपदी बदली झाली आहे. तर राणाप्रतापनगरचे पोलीस निरीक्षक (गुन्हे) हरीशकुमार बोराडे यांच्याकडे वाठोडा पोलीस ठाण्याची जबाबदारी देण्यात आली आहे. विशेष शाखेतील महेश सागळे यांची राणाप्रतापनगरचे वरिष्ठ पोलीस निरीक्षक म्हणून बदली झाली आहे. सदरचे पोलीस निरीक्षक (गुन्हे) अरुण क्षीरसागर यांना जरीपटक्यातील वरिष्ठ पोलीस निरीक्षकपदी पाठविण्यात आले आहे.
विशेष शाखेतील महेश आंधळे हे कपिलनगर पोलीस ठाण्याचे ठाणेदार झाले आहेत. तर यशोधरानगरचे ठाणेदार ज्ञानेश्वर भेदोडकर यांच्याकडे हुडकेश्वर ठाण्याची जबाबदारी देण्यात आली आहे. हुडकेश्वरचे ठाणेदार कैलास देशमाने यांची गिट्टीखदानचे ठाणेदार म्हणून बदली झाली आहे. तर गिट्टीखदानचे ठाणेदार विनोद कालेकर यांची विशेष शाखेत बदली करण्यात आली आहे. विशेष शाखेचे अनिल कुरळकर यांची मानव संसाधन शाखेत व गुन्हे शाखेतील अरविंद महर्षी यांची वाहतूक शाखेतील अपघात सेलमध्ये बदली झाली आहे.