भयंकर! कुत्रा चावल्यानंतर ४ महिन्यांनी मुलाची प्रकृती बिघडली, अचानक भुंकू लागला अन्...

एका १७ वर्षीय मुलाला कुत्रा चावल्यानंतर तब्बल ४ महिन्यांनी तो अचानक कुत्र्यासारखा भुंकू लागला आहे.

उत्तर प्रदेशातील मिर्झापूर जिल्ह्यातून एक धक्कादायक घटना समोर आली आहे. येथे एका १७ वर्षीय मुलाला कुत्रा चावल्यानंतर तब्बल ४ महिन्यांनी तो अचानक कुत्र्यासारखा भुंकू लागला आहे. ही घटना कछवा पोलीस ठाण्याच्या हद्दीतील जोगीपुरवा गावातील आहे. येथील रहिवासी भाईलाल यांचा १७ वर्षांचा मुलगा करण आपल्या आजोळी (ननिहाल) हरौवा येथे गेला होता.

आजोळी असताना ४ महिन्यांपूर्वी त्याला एक कुत्रा चावला होता. त्यानंतर त्याला पहिलं इंजेक्शन आजोळीच एका खासगी रुग्णालयात देण्यात आलं. दुसरं इंजेक्शन कछवा येथील सामुदायिक आरोग्य केंद्रात देण्यात आलं. मात्र त्यानंतरचं इंजेक्शन कुटुंबाच्या निष्काळजीपणामुळे देण्यात आलं नाहीत. या हलगर्जीपणामुळे ४ महिन्यांनंतर करणच्या प्रकृतीत विचित्र बदल झाले असून तो कुत्र्यासारखे आवाज काढू लागला आहे.

इतकंच नव्हे तर त्याची चालण्याची आणि बसण्याची पद्धतही बदलली आहे. मुलाची ही अवस्था पाहून घाबरलेल्या नातेवाईकांनी त्याला जमुआ चौकातील राम जानकी मंदिरात नेलं. त्याला भूताने झपाटलं आहे असं वाटल्याने ते मंदिरात प्रार्थना करू लागले. मात्र स्थानिक नागरिकांनी तातडीने रुग्णवाहिका बोलावून मुलाला कछवा येथील सामुदायिक आरोग्य केंद्रात दाखल केलं. तिथे प्राथमिक उपचार करून त्याला वाराणसीला रेफर करण्यात आल आहे.

विंध्यवासिनी स्वशासी राज्य वैद्यकीय महाविद्यालयाचे मुख्य वैद्यकीय अधीक्षक डॉ. सचिन किशोर यांनी सांगितलं की, "या मुलाला रेबीजचे सर्व इंजेक्शन देण्यात आले नाहीत. त्यामुळे आता त्याच्या शरीरात रेबीजची लक्षणं दिसू लागली आहेत. जर एखाद्या रुग्णामध्ये अशी लक्षणं दिसू लागली, तर त्याचं वाचणं कठीण होतं. त्यामुळे कुत्रा चावल्यास त्वरित रेबीजचे सर्व इंजेक्शन घेणं अनिवार्य आहे."

मुलाचे वडील भाईलाल यांनी दिलेल्या माहितीनुसार, "४ महिन्यांपूर्वी मुलाला कुत्रा चावला होता, पण आता तो भुंकू लागला आहे. आम्हाला वाटलं त्याला बाहेरची भूतबाधा झाली आहे, म्हणून आम्ही त्याला मंदिरात नेलं होतं. पण रुग्णालयात आणल्यावर समजलं की ही रेबीजची लक्षणं आहेत."