कांगडा : हिमाचल प्रदेशातील कांगडा जिल्ह्यात भारतीय हवाई दलाचे मिग 21 लढाऊ विमान कोसळल्याची घटना बुधवारी घडली.
मिळालेल्या प्राथमिक माहितीनुसार, कांगडा जिल्ह्यातील जवाली भागात भारतीय हवाई दलाचे मिग 21 लढाऊ विमान कोसळले. भारतीय हवाई दलाचे हे विमान पंजाबच्या पठाणकोटहून निघाले होते. विमानाचा पायलट बेपत्ता असून त्याचा शोघ घेणे सुरू आहे. घटनास्थळी बचाव पथकाने मदत कार्य सुरू केले आहे.