हैदराबादमध्ये कारच्या दुरुस्तीदरम्यान मोठी दुर्घटना घडली आहे. एका कारच्या दुरुस्तीचं काम सुरू होते. याचवेळी शेजारी ठेवलेल्या केमिकलने अचानक पेट घेतला. यामध्ये सहा जणांचा मृत्यू झाला आहे. हैदराबादमधील नामपल्ली भागात ही घटना घडली.
काही वेळातच आग इतकी भीषण झाली की अनेक जण यात होरपळले. या अपघातात आतापर्यंत सहा जणांचा मृत्यू झाला आहे, तर तीन जण गंभीर जखमी झाले असून त्यांच्यावर सध्या रुग्णालयात उपचार सुरू आहेत.
अग्निशमन दलाला आगीची माहिती मिळताच अग्निशमन दलाच्या अनेक गाड्या घटनास्थळी दाखल झाल्या. सध्या आग विझवण्याचे आणि ज्या इमारतीत आग लागली आहे तेथे आणखी कोणी अडकलं आहे का, याचा शोध घेण्याचे प्रयत्न सुरू आहेत.