जम्मू-श्रीनगर राष्ट्रीय महामार्गावर आज रात्रीच्या सुमारास मोठी दुर्घटना घडली आहे. चार लेनच्या बोगद्याचे काम सुरु असताना गुरुवारी रात्री या बोगद्याचा भाग कोसळला. यामुळे ९ लोक आतमध्ये अडकले होते. यापैकी दोघांना वाचविण्यात यश आले आहे.
रामबन जिल्ह्यातील खुनी नाल्यावर हा प्रकार घडला आहे. बोगद्याच्या तोंडावरील कामाचे ऑडिट सुरु असताना हा अपघात झाला. पोलिसांनी आणि भारतीय सैन्याने तातडीने रात्रीच्या अंधारातच मदतकार्य सुरु केले. या ढिगाऱ्याखाली ऑडिट करणाऱ्या कंपनीचे कर्मचारी अडकले आहेत. सात लोक अद्याप आतमध्ये अडकले आहेत, असे अधिकाऱ्यांनी सांगितले. बनिहालहून काही अॅम्बुलन्स घटनास्थळी पाठविण्यात आल्या आहेत.