बंगळुरु: कर्नाटकमध्ये जोरदार राजकीय नाटक सुरू आहे. पुरेसं संख्याबळ नसतानाही राज्यपालांनी भाजपाला कर्नाटकमध्ये सत्ता स्थापन करण्यासाठी आमंत्रित केल्यानं काँग्रेस आणि जेडीएसचे नेत्यांनी विधानसभेबाहेर आंदोलन केलं. आज सकाळी भाजपा नेते येडियुरप्पा यांनी कर्नाटकचे मुख्यमंत्री म्हणून शपथ घेतली. या शपथविधीवर राहुल गांधींनी निशाणा साधला आहे. राहुल गांधींनी ट्विटरवरुन केलेल्या शाब्दिक हल्ल्याला भाजपाचे अध्यक्ष अमित शाह यांनी ट्विटरवर जोरदार प्रत्युत्तर दिलं आहे. भाजपाकडून पोकळ विजयाचा जल्लोष सुरू असला, तरी देशभरात लोकशाहीचा पराभव झाल्याचं दु:ख आहे, अशा शब्दांमध्ये राहुल गांधींनी भाजपावर शरसंधान साधलं होतं.
Karnataka Elections : काँग्रेसनं जेडीएसला पाठिंबा दिला, त्याचक्षणी लोकशाहीची हत्या झाली- अमित शाह
By ऑनलाइन लोकमत | Updated: May 17, 2018 12:58 IST