IndiGo Rs. 10000 travel voucher: इंडिगोने गुरुवारी घोषणा केली की, ३ ते ५ डिसेंबर दरम्यान विमान उड्डाणे रद्द झाल्यामुळे ज्या प्रवाशांना 'गंभीर त्रास' झाला, त्यांना कंपनी १०,००० रुपयांचे ट्रॅव्हल व्हाउचर देणार आहे. एअरलाइनने सांगितले की, हे व्हाउचर पुढील १२ महिन्यांसाठी इंडिगोच्या कोणत्याही भविष्यातील प्रवासासाठी वैध असणार आहे. कंपनीने पुढे सांगितले की, ही भरपाई सरकारी नियमांनुसार अनिवार्य असलेल्या नुकसानभरपाईव्यतिरिक्त आहे. ज्यानुसार विमान कंपन्यांना प्रवासाच्या २४ तासांच्या आत ज्यांची विमाने रद्द झाली आहेत, अशा ग्राहकांना ५,००० ते १०,००० रुपये द्यावे लागतात.
इंडिगोने लिहिले की, आमच्या ग्राहकांची काळजी घेणे हे आमचे सर्वोच्च प्राधान्य आहे. याचाच एक भाग म्हणून, कामकाजात झालेल्या व्यत्ययानंतर आम्ही रद्द झालेल्या विमानांसाठी सर्व आवश्यक परतावे सुरू केले आहेत. त्यापैकी बहुतेक परतावे ग्राहकांच्या खात्यांमध्ये जमा झाले आहेत आणि उर्वरित लवकरच जमा होतील. जर बुकिंग ट्रॅव्हल पार्टनर प्लॅटफॉर्मद्वारे केले असेल, तर तुमच्या परताव्यासाठी आवश्यक कार्यवाही देखील सुरू करण्यात आली आहे. आमच्या सिस्टीममध्ये तुमच्याकडे संपूर्ण तपशील नसल्यामुळे, आम्ही तुम्हाला विनंती करतो की तुम्ही आम्हाला customer.experience@goindigo.in वर माहिती द्यावी, जेणेकरून आम्ही तुम्हाला त्वरित मदत करू शकू.
इंडिगो मान्य करते की, ३-४-५ डिसेंबर रोजी प्रवास करणाऱ्या आमच्या काही ग्राहकांना काही विमानतळांवर अनेक तास अडकून पडावे लागले आणि गर्दीमुळे त्यापैकी अनेकांना गंभीर त्रास झाला. आम्ही अशा गंभीरपणे प्रभावित ग्राहकांना १०,००० रुपयांचे ट्रॅव्हल व्हाउचर देत आहोत. हे ट्रॅव्हल व्हाउचर पुढील १२ महिन्यांसाठी कोणत्याही भविष्यातील इंडिगो प्रवासासाठी वापरले जाऊ शकते. ही भरपाई सध्याच्या सरकारी मार्गदर्शक तत्त्वांनुसार असलेल्या वचनबद्धतेव्यतिरिक्त आहे. विमानाचा ब्लॉक टाइम लक्षात घेऊन, ५ ते १० हजारापर्यंत नुकसानभरपाई देईल. इंडिगोमध्ये, आम्ही तुमच्याकडून अपेक्षित असलेला सुरक्षित, सुरळीत आणि विश्वासार्ह अनुभव पुन्हा देण्यासाठी कटिबद्ध आहोत. तुम्ही आम्हाला पुन्हा सेवा देण्याची संधी दिल्याबद्दल धन्यवाद.
Web Summary : IndiGo offers ₹10,000 travel vouchers to passengers severely affected by flight cancellations between December 3rd and 5th. This compensation, valid for 12 months, is in addition to government-mandated refunds for cancellations within 24 hours of travel. IndiGo has initiated refunds and requests affected customers to contact them for assistance.
Web Summary : इंडिगो ने 3 से 5 दिसंबर के बीच उड़ान रद्द होने से गंभीर रूप से प्रभावित यात्रियों को ₹10,000 का ट्रैवल वाउचर देने की घोषणा की। यह मुआवजा 12 महीनों के लिए वैध है और सरकार द्वारा अनिवार्य रिफंड के अतिरिक्त है। इंडिगो ने रिफंड शुरू कर दिया है और प्रभावित ग्राहकों से सहायता के लिए संपर्क करने का आग्रह किया है।