बीजिंग – एकीकडे चीनसोबत सीमा वादावर तोडगा काढण्यासाठी भारत(India) चर्चेवर जोर देत आहे तर दुसरीकडे चीन (China) वारंवार भारताला डिवचण्याचा प्रयत्न करत आहे. वास्तविक नियंत्रण रेषा(LAC) वर चीनच्या हालचाली वाढल्या आहेत. चीनने सीमेवर १०० हून अधिक अत्याधुनिक रॉकेट लॉन्चर तैनात केलेत. इतकेच नाही तर चिनी सैन्याने जवळपास १५५ एमएम कॅलिबरच्या PCL 181 सेल्फ प्रोपेल्ड हॉवित्जर तैनात केले आहे. त्यामुळे चीनचा हेतू ठीक नाही हे दिसून येत आहे.
साउथ चाइना मॉर्निंग पोस्टच्या रिपोर्टनुसार, चीनच्या सूत्रांनी माहिती दिली आहे की, चीनने भारतासोबत असलेल्या अतिसंवेदनशील सीमेवर १०० हून अधिक अत्याधुनिक रॉकेट लॉन्चर तैनात केलेत. पीपुल्स लिबरेशन आर्मी(PLA) हिमालयातील रक्त गोठावणाऱ्या थंडीसाठी तयारी करत आहेत. हे उत्तर M777 अल्ट्रा लाइट हॉवित्जरसह भारतीय सैन्याच्या ३ रेजिमेंटच्या तैनातीनंतर प्रत्युत्तर म्हणून केल्याचं चीनचं म्हणणं आहे.
१० यूनिट्स लडाखला पाठवले
चीनने एलएसीवर पीएचएल ०३, लॉन्ग रेंज मल्टीपल रॉकेट लॉन्चर सिस्टम तैनात केली आहे. नवीन PHL 03 मल्टीपल रॉकेट लॉन्चरचा १० यूनिट्स लडाखला पाठवण्यात आले आहेत. प्रत्येक यूनिटमध्ये ४ क्रू मेंबरचा सहभाग आहे. त्यात ३०० MM च्या १२ लॉन्चर ट्यूब आहेत. हे रॉकेट ६५० किमी अंतरापर्यंत हल्ला करण्याची क्षमता ठेवते. यातील १२ मीटर लांब रॉकेट ६० किमी प्रतितास वेगाने उड्डाण भरू शकते.
रॉकेट सिस्टम रेंज ३५० KM
चीनने भारतीय सीमेवर पीसीएल १९१ रॉकेट लॉन्चरही तैनात केले आहेत. याला चीनने एआर ३ सिस्टमच्या आधारे विकसित केले आहे. या रॉकेट सिस्टमची रेंज ३५० किमी इतकी आहे. ही मॉड्युलर रॉकेट सिस्टम आठ ३७० मिमीच्या रॉकेटला फायर करू शकते. रिपोर्टमध्ये सांगण्यात आलं आहे की, चिनी सैन्याचे १०० हून अधिक पीसीएल १८१ ट्रक माऊंटेड हॉवित्जर तैनात केले आहे. त्याशिवाय १५५ एमएम कॅलिबर पीसीएल १८१ सेल्फ प्रोपेल्ड हॉवित्जर लडाखच्या आसपास सीमेवर तैनात करण्यात आले आहेत.