मानवाच्या कल्याणासाठी ‘मानव’; मोदींनी मांडला ‘एआय’चा नवा मंत्र; ‘एआय इम्पॅक्ट समिट’चे पंतप्रधानांच्या हस्ते उद्घाटन

‘इंडिया एआय इम्पॅक्ट समिट’चे उद्घाटन पंतप्रधान मोदी यांच्या हस्ते करण्यात आले. त्याप्रसंगी ते बोलत होते. यावेळी मोदी यांनी एआयसाठी ‘मानव’ व्हिजन जगासमोर मांडले. ‘

नवी दिल्ली : कृत्रिम बुद्धिमत्ता (एआय) हे प्रगतीचे साधन असले तरी त्याचे नियंत्रण मानवाच्याच हातात हवे, असे स्पष्ट प्रतिपादन पंतप्रधान नरेंद्र मोदी यांनी गुरुवारी केले. “एआय युगात माणूस केवळ ‘डेटा पॉइंट’ उरणार नाही, याची काळजी घेण्याची गरज आहे,” असेही त्यांनी सांगितले.

‘इंडिया एआय इम्पॅक्ट समिट’चे उद्घाटन पंतप्रधान मोदी यांच्या हस्ते करण्यात आले. त्याप्रसंगी ते बोलत होते. यावेळी मोदी यांनी एआयसाठी ‘मानव’ व्हिजन जगासमोर मांडले. ‘नैतिक (मॉरल), उत्तरदायी (अकाउंटेबल), राष्ट्रीय सार्वभौमत्व (नॅशनल साव्हर्निटी), सहज उपलब्ध (ॲक्सेसिबल) आणि वैध (व्हॅलिड)’ याचे लघुरूप म्हणजे ‘मानव’ होय. मोदी यांनी म्हटले की, भारत एआयला घाबरत नाही, तर त्यात भविष्य पाहतो. तंत्रज्ञान हे सर्वसमावेशक आणि नैतिक असावे, जेणेकरून माणूस केवळ ‘डेटा पॉइंट’ ठरणार नाही.

'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!

‘प्लेनरी सेशन’मध्ये मोदींनी दिला ‘नीतिमत्ते’चा धडा

भविष्यातील ‘एआय’च्या जागतिक प्रवासात ‘आकांक्षी भारत’ मोठी भूमिका बजावेल, असा विश्वास पंतप्रधान मोदी यांनी ‘इंडिया एआय इम्पॅक्ट समिट’च्या ‘प्लेनरी सेशन’मध्ये व्यक्त केला. एआयचा वापर नैतिक असावा, असेही ते म्हणाले.

मोदी यांचे हे भाषण मराठीसह ११ भाषांत रिअल टाइम डब करण्यात आले.

२०२७ ची जागतिक ‘एआय’ समिट जिनिव्हात

२०२७ च्या जागतिक ‘एआय’ समिटचे यजमानपद स्वित्झर्लंड भूषविणार असून, ही परिषद जिनिव्हा येथे होईल, अशी घोषणा स्वित्झर्लंडचे  राष्ट्राध्यक्ष गाय पार्मेलिन यांनी केली.

या परिषदेमुळे स्वित्झर्लंडचे डिजिटल धोरण व जागतिक संशोधन क्षेत्रातील स्थान भक्कम होईल, असा विश्वास त्यांनी व्यक्त केला.