पंजाबमध्ये एक हृदयद्रावक घटना घडली आहे. पटियालामध्ये राहणाऱ्या एका कुटुंबाच्या दाव्यानुसार १० वर्षांच्या मुलीचा वाढदिवसाचा केक खाल्ल्याने मृत्यू झाला आहे. हा केक ऑनलाईन आर्डर केला होता. या मुलीच्या मृत्यूपूर्वी ती तिचा वाढदिवस साजरा करताना हसता, खेळतानाचा व्हिडीओ सोशल मीडियावर समोर आला आहे.
केक खाल्ल्याने तिची तब्येत बिघडली आणि काही तासांतच तिचे शरीर थंड पडले. पहाटे हॉस्पिटलला घेऊन गेले परंतु तोवर उशीर झाला होता. हा केक खाल्ल्याने तिच्या कुटुंबालाही त्रास झाला. तिची छोटी बहीण देखील उलट्या करू लागली होती. परंतु उलट्यांमधून खाल्लेला केक बाहेर पडल्याने ती बचावली. तर वाढदिवस असलेल्या मुलीच्या तोंडातून दोनदा फेस आला. यामुळे कुटुंबाने तिला बरे वाटेल असे समजले आणि डॉक्टरकडे नेले नाही.
मानवी रात्र झोपी गेली, तिने एकदा जागे होऊन पाणी मागितले. त्यानंतर पहाटे चार वाजता तिचे शरीर थंड पडल्याचे जाणवले, म्हणून पालकांनी धावपळ सुरु केली. हॉस्पटलला हलविले तिथे तिला मृत घोषित करण्य़ात आले.
मानवीच्या आजोबांनी केलेल्या तक्रारीनुसार ऑनलाईन केक मागविण्यात आला होता. सायंकाळी सहा वाजता मागविला, सव्वा सहाला केक घरी आला होता. त्यानंतर साडेसातला केक कापला गेला. पोलिसांनी केक कुठून आणला गेला याची चौकशी सुरु केली आहे. यानंतरच कारवाई करण्यात येईल असे म्हटले आहे.