फरिदाबाद (हरयाणा) : येथून जवळच असलेल्या गोसी गावाच्या परिसरात गोमांस वाहतूक करीत असल्याच्या संशयावरून एका रिक्षाचालकासह पाच जणांवर १00 हून अधिक लोकांच्या जमावाने हल्ला केला. हल्ल्यात जखमी झालेल्या पाच जणांपैकी चौघांना प्रथमोपचारानंतर घरी पाठवण्यात आले असून, एकावर रुग्णालयात अद्याप उपचार सुरू आहेत. देशात गेल्या वर्षापासून गोरक्षकांकडून हल्ले होण्याच्या घटना सातत्याने घडत आहेत. अशा हल्ल्यांत काही ठिकाणी मृत्यूही झाले आहेत. हरयाणातही एका तरुणाची हत्या करण्यात आली होती.गोहत्येच्या संशयावरून हे हल्ले होत आहेत. गोरक्षक म्हणवून घेणा-यांनी तर पाळण्यासाठी विकत घेतलेल्या गायी गावी नेणा-या लोकांवरही हल्ले केले आहेत.
गोमांसाच्या संशयावरून पाच जणांवर जमावाने केला हल्ला
By लोकमत न्यूज नेटवर्क | Updated: October 15, 2017 01:21 IST