गुजरातमधीलअहमदाबाद येथे बांधकाम सुरू असलेल्या इमारतीची लिफ्ट कोसळली. यामध्ये सात मजूरांचा मृत्यू झाल्याची माहिती समोर आली आहे. दरम्यान, ही लिफ्ट कशी खाली कोसळली याची माहिती समोर आलेली नाही. गुजरात युनिव्हर्सिटीजवळ पासपोर्ट ऑफिसकडे ही इमारत असल्याचं म्हटलं जात आहे.
ज्या इमारतीत ही दुर्घटना घडली त्याचं नाव एम्पायर-२ असल्याचं म्हटलं जातंय. समोर आलेल्या माहितीनुसार गुरूवारी सकाळी बांधकाम सुरू असलेल्या इमारतीची लिफ्ट अचानक खाली कोसळली. यानंतर या घटनेची माहिती पोलिसांना देण्यात आली. पोलिसांनी घटनास्थळी पोहोचून मजूरांना बाहेर काढलं. या घटनेनंतर भीतीचं वातावरण पसरलं होतं.