रेल्वे प्रवाशांसाठी एक आनंदाची बातमी आहे. आता, रेल्वे तिकिट आरक्षण स्थिती १० तास आधीच उपलब्ध होणार आहे. पहिल्यांदाच, रेल्वे बोर्डाने चार्ट तयार करण्याच्या वेळेत सुधारणा केली आहे. सकाळी ५.०० ते दुपारी २.०० वाजेपर्यंत सुटणाऱ्या गाड्यांसाठी, पहिला आरक्षण चार्ट आदल्या दिवशी रात्री ८:०० वाजेपर्यंत तयार केला जाणार आहे.
"मॅन्युफॅक्चरिंगमध्ये भारत मागे पडतोय"; जर्मनीतील BMW प्लांटमधून राहुल गांधींचा मोदी सरकारवर निशाणा
दरम्यान, दुपारी २:०१ ते ११:५९ आणि पहाटे १२:०० ते पहाटे ५:०० या वेळेत सुटणाऱ्या गाड्यांसाठी, पहिला आरक्षण चार्ट ट्रेन सुटण्याच्या १० तास आधी तयार केला जाईल. पूर्वी, आरक्षण चार्ट फक्त चार तास आधी तयार केले जात होते, त्यामुळे शेवटच्या क्षणी प्रवाशांना मोठी गैरसोय आणि गोंधळ होत होता.
पहिल्यांदाच आरक्षण चार्ट तयार करण्याच्या वेळेत बदल
प्रवाशांना त्यांच्या प्रवासाची आणि आरक्षण स्थितीची आगाऊ माहिती देण्यासाठी आणि प्रवाशांची, विशेषतः दूरवरून प्रवास करणाऱ्यांची चिंता कमी करण्यासाठी, रेल्वेने पहिल्यांदाच चार्ट तयार करण्याच्या वेळेत बदल केला आहे."प्रवाशांच्या सोयीसाठी, चार्ट लवकर तयार केले जातील जेणेकरून ते त्यांच्या प्रवासाचे नियोजन सहजपणे करू शकतील, अशी माहिती रेल्वे अधिकाऱ्यांनी दिली. या संदर्भात सर्व विभागीय रेल्वे विभागांना आवश्यक सूचना जारी करण्यात आल्या आहेत.
चार तास आधी चार्ट तयार केला जायचा
आधी चार तासापूर्वी आरक्षण चार्ट तयार केला जात होता.वेटींग लिस्ट किंवा आरएसीमध्ये असलेल्या प्रवाशांना अगदी शेवटच्या क्षणी कन्फर्म सीटची सूचना दिली जात होती. आता यामध्ये मोठा बदल करण्यात आला आहे. प्रवासाच्या दहा तास आधीच तुम्हाला तिकीटाचे स्टेटस कळणार आहे.
या जुन्या पद्धतीमुळे प्रवाशांना, दूरच्या ठिकाणांहून स्टेशनवर येणाऱ्या प्रवाशांना मोठी गैरसोय होत होती. प्रवासी अनेकदा चार्ट तयार होण्यापूर्वीच स्टेशनवर पोहोचायचे आणि नंतर त्यांना कळायचे की त्यांची तिकिटे कन्फर्म झालेली नाहीत. यामुळे वेळ आणि पैसा वाया जात होताच, शिवाय प्रवासाबाबत गोंधळ आणि ताणही वाढत होता. चार्ट तयार करण्यात होणाऱ्या विलंबामुळे योग्य प्रवास नियोजनात अडथळा येत असल्याच्या प्रवाशांकडून रेल्वेला बऱ्याच काळापासून तक्रारी येत आहेत. त्यामुळे, चार्ट तयार करण्याच्या वेळेत बदल करण्यात आला आहे.
Web Summary : Railway travelers rejoice! Waitlist/RAC ticket status will now be available 10 hours before departure. Chart preparation times have been revised to reduce passenger inconvenience. This change aims to provide timely information for better travel planning, especially for long-distance journeys.
Web Summary : रेल यात्रियों के लिए खुशखबरी! वेटिंग/आरएसी टिकट की स्थिति अब प्रस्थान से 10 घंटे पहले उपलब्ध होगी। यात्रियों की असुविधा को कम करने के लिए चार्ट तैयार करने के समय को संशोधित किया गया है। इस बदलाव का उद्देश्य बेहतर यात्रा योजना के लिए समय पर जानकारी प्रदान करना है, खासकर लंबी दूरी की यात्राओं के लिए।