उत्तर प्रदेशातील बुलंदशहरच्या स्याना कोतवाली परिसरातून एक हृदयद्रावक घटना समोर आली आहे. ADL स्कूलच्या बाहेर एका व्यक्तीचा अचानक कार्डियक अरेस्टने मृत्यू झाला. तारिक मेवाती असं मृत्यू झालेल्या व्यक्तीचं नाव असून तो नेहमीप्रमाणे आपल्या मुलीला शाळेत सोडण्यासाठी आला होता.
सकाळी शाळा भरण्याच्या वेळी ही धक्कादायक घटना घडली. तारिक आपल्या मुलीला शाळेत सोडून परत फिरत असतानाच अचानक त्याची प्रकृती बिघडली आणि तो अचानक जमिनीवर कोसळला. ही संपूर्ण घटना शाळेबाहेर लावण्यात आलेल्या सीसीटीव्ही कॅमेऱ्यात कैद झाली आहे.
मिळालेल्या माहितीनुसार, तारिक मेवाती बेशुद्ध झाला. शाळेतील कर्मचारी धावत आले आणि त्यांनी तातडीने त्याला उपचारासाठी जवळच्या रुग्णालयात नेलं. मात्र, डॉक्टरांनी तपासणीनंतर त्याला मृत घोषित केलं. रुग्णालयात आणण्यापूर्वीच तारिकला 'कार्डियक अरेस्ट' आला होता, ज्यामुळे त्याचा मृत्यू झाल्याचे डॉक्टरांनी सांगितलं.
नातेवाईकांच्या म्हणण्यानुसार, तारिकला कोणताही मोठा आजार नव्हता किंवा त्याने कधीही प्रकृतीबाबत कोणतीही तक्रार केली नव्हती. या अचानक घडलेल्या प्रसंगामुळे कुटुंबाला मोठा धक्का बसला आहे. तारिक पूर्णपणे निरोगी होता आणि नेहमीप्रमाणे मुलीला शाळेत सोडण्यासाठी घराबाहेर पडला होता, असं त्याच्या कुटुंबीयांनी सांगितलं.
Web Summary : In Uttar Pradesh, a father, Tariq Mewati, tragically died of a cardiac arrest at his daughter's school gate after dropping her off. He collapsed suddenly and was declared dead at the hospital. He had no prior health issues, shocking his family.
Web Summary : उत्तर प्रदेश में एक पिता, तारिक मेवाती, की बेटी को स्कूल छोड़ने के बाद हृदय गति रुकने से दुखद मृत्यु हो गई। वह अचानक गिर पड़े और अस्पताल में उन्हें मृत घोषित कर दिया गया। उन्हें पहले कोई स्वास्थ्य समस्या नहीं थी, जिससे परिवार सदमे में है।