अमेरिकेतील टेल्सा आणि स्पेस एक्सचे सीईओ एलॉन मस्क यांचे वडील एरॉल मस्क भारत दौऱ्यावर येणार आहेत. एरॉल मस्क अयोध्येतील राम मंदिरात रामलल्लांचे दर्शन घेणार आहेत. ते १ जून ते ६ जून पर्यंत भारत दौऱ्यावर आहेत. एरॉल मस्क काही दिवसापूर्वीच भारतीय कंपनी सर्वोटेकच्या जागतिक सल्लागार मंडळात सामील झाले आहेत.
'आम्ही त्यांना बोलावले नाही, शाहिद आफ्रिदी अन् उमर गुल स्वतःहून आले'; आयोजकांनी मागितली माफी
या दौऱ्यादरम्यान एरॉल मस्क अनेक व्यवसायाशी संबंधित बैठकांना उपस्थित राहणार आहेत. ते अनेक कार्यक्रमांद्वारे भारतात हरित तंत्रज्ञान आणि चार्जिंग पायाभूत सुविधांच्या क्षेत्रात केलेल्या कामांना प्रोत्साहन देतील. या दरम्यान, ते धोरणकर्ते, गुंतवणूकदार, उद्योगातील लोक तसेच विविध मंत्रालयांच्या अधिकाऱ्यांसोबत बैठकांना उपस्थित राहतील. ५ जून रोजी सर्वोटेक जागतिक पर्यावरण दिनानिमित्त वृक्षारोपण कार्यक्रमाचे आयोजन करत असल्याची माहिती आहे. या कार्यक्रमात सहभागी झाल्यानंतर ते ६ जून रोजी दक्षिण आफ्रिकेला रवाना होतील.
एलॉन मस्क यांचे वडील एरॉल मस्क १ जून रोजी पाच दिवसांच्या भारत दौऱ्यावर येणार आहेत. मिळेल्या माहितीनुसार, एरॉल मस्क यांना हरित तंत्रज्ञान आणि ईव्ही चार्जिंग पायाभूत सुविधा निर्यातीत जागतिक स्तरावर आघाडीवर होण्यासाठी भारताच्या धोरणात्मक प्रयत्नांना प्रोत्साहन द्यायचे आहे. या काळात ते अयोध्येला भेट देतील आणि रामलल्लांचे दर्शन घेतील. ५ जून हा जागतिक पर्यावरण दिन देखील आहे.
या काळात विविध कार्यक्रमांचे आयोजन देखील केले जाईल. एरॉल मस्क वृक्षारोपण मोहिमेत देखील सहभागी होऊ शकतात.