भावा-भावाचं नातं अतूट असतं. जर भावाला दुसऱ्या भावाविषयी खरंच खूप जास्त प्रेम अन् ओढ असेल तर तो त्याच्याशिवाय राहू शकत नाही. असाच काहीसा हृदयस्पर्शी प्रकार राजस्थानमधील शेखावाटी भागातील सीकर जिल्ह्यात घडला आहे. येथे हृदयविकाराच्या झटक्याने लहान भावाचा मृत्यू झाल्यानंतर मोठ्या भावाला हे दु:ख सहन झालं नाही. त्यांनीही काही वेळाने जगाचा निरोप घेतला.
लहान भावाचा हृदयविकाराच्या झटक्याने मृत्यू झाला, तर मोठ्या भावालाही नंतर हृदयविकाराचाच झटका आला. एकाच कुटुंबातील दोन भावांच्या मृत्यूमुळे त्यांच्या कुटुंबात शोककळा पसरली होती. मिळालेल्या माहितीनुसार, सीकर जिल्ह्यातील रामगड शेखावाटी शहरात ही घटना घडली आहे. रामगड वॉर्ड क्र. शहरातील काझी नियाज अहमद (65) हे नटवरजी मंदिर परिसरात 13 येथे राहत होते. नियाज अहमद यांचे शनिवारी सायंकाळी हृदयविकाराच्या झटक्याने निधन झाले.
नियाज यांचे मोठे भाऊ जमील अहमद (70) यांना याची माहिती मिळताच त्यांनी तात्काळ धाकट्या भावाचे घर गाठले. तेथे लहान भावाचा मृतदेह पाहून ते रडू लागले आणि त्यांची प्रकृती खालावली. त्यांना तेथून औषधी वगैरे देण्यासाठी घरी नेण्यात आलं. जमील अहमद घरी पोहोचताच त्यांनी बोलणे बंद केल्याचं सांगितलं जातं. याच दरम्यान, त्यांना हृदयविकाराचा झटका आला आणि त्यांनीही जगाचा निरोप घेतला.
नियाज अहमद यांच्यानंतर मोठा भाऊ जमील अहमद यांच्या मृत्यूने कुटुंबावर दु:खाचा डोंगर कोसळला आहे. जमील अहमद यांचा मुलगा दुबईत मजुरीचे काम करतो. नातेवाईक त्याची वाट पाहत आहेत. एकाच कुटुंबातील दोन भावांच्या मृत्यूमुळे शहरात शोककळा पसरली आहे. लोकांनी दोन्ही भावांचे एकमेकांवर खूप प्रेम होते. काम मोठं असो की छोटं, दोन्ही भाऊ एकत्र करत होते, राहत होते आणि आता एकत्र जग सोडून गेले असं म्हटलं आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"