मध्य प्रदेशची राजधानी भोपाळमध्ये अत्यंत धक्कादायक घटना घडली. एका सरकारी रुग्णालयातील डॉक्टरांच्या निष्काळजीपणामुळे एका जिवंत नवजात बाळाला मृत घोषित करण्यात आले. कुटुंबाने अंत्यसंस्काराची सर्व तयारी पूर्ण केल्यानंतर तब्बल चार तासांनी बाळ जिवंत असल्याचे समजताच सर्वांनाच धक्का बसला.
मिळालेल्या माहितीनुसार, संबंधित पीडित महिलेने सकाळी ७ ते ७:३० च्या सुमारास एका गोंडस मुलीला जन्म दिला. मात्र, जन्म झाल्यानंतर काही वेळातच म्हणजे सकाळी ८:१५ वाजता ड्युटीवर असलेल्या डॉक्टरांनी तपासणी करून बाळ दगावल्याचे सांगितले. इतकेच नव्हे तर डॉक्टरांनी तातडीने मुलीचे मृत्यू प्रमाणपत्रही कुटुंबाच्या हाती सोपवले.
बाळाच्या मृत्यूची बातमी समजताच कुटुंबावर दु:खाचा डोंगर कोसळला. हसतं-खेळतं घर एका क्षणात शांत झाले. रडत-भडत कुटुंबाने दफनविधीची तयारी सुरू केली. बाळाला गुंडाळण्यासाठी कफनही खरेदी केले. मात्र, मृत घोषित केल्याच्या साधारण चार तासांनंतर, अंत्यसंस्कारापूर्वी बाळ हालचाली करू लागला. कुटुंबीयांनी नीट पाहिले असता बाळ जिवंत असल्याचे स्पष्ट झाले.
जिवंत बाळाला मृत ठरवल्यामुळे रुग्णालयातील डॉक्टरांच्या कार्यक्षमतेवर आता मोठे प्रश्नचिन्ह उपस्थित केले. ज्या डॉक्टरांनी मृत्यू प्रमाणपत्र दिले, त्यांच्यावर कठोर कारवाई करण्याची मागणी कुटुंबाने केली आहे. थोड्याशा चुकीमुळे एका चिमुकलीचा जीव जाण्याची भीती या घटनेमुळे निर्माण झाली होती.
Web Summary : In Bhopal, a newborn was wrongly declared dead by doctors. Family prepared for the funeral, but four hours later, they discovered the baby was alive, raising serious questions about the hospital's negligence and demanding action against the doctor.
Web Summary : भोपाल में, डॉक्टरों ने एक नवजात को गलत तरीके से मृत घोषित कर दिया। परिवार ने अंतिम संस्कार की तैयारी की, लेकिन चार घंटे बाद, उन्होंने पाया कि बच्चा जीवित है, जिससे अस्पताल की लापरवाही पर गंभीर सवाल उठते हैं और डॉक्टर के खिलाफ कार्रवाई की मांग की जा रही है।