स्टोव्हच्या भडक्यात महिेलेचा मृत्यू

नाशिक : स्टोव्हच्या भडक्यात गंभीर भाजलेल्या क़ का़ वाघ महाविद्यालयाजवळ राहणार्‍या महिलेचा जिल्हा शासकीय रुग्णालयात उपचारादरम्यान मृत्यू झाल्याची घटना मंगळवारी दुपारच्या सुमारास घडली आहे़ मयत महिलेचे नाव कुंदा ज्ञानेश्वर गिते(४०) असे असून, या प्रकरणी आडगाव पोलीस ठाण्यात अकस्मात मृत्यूची नोंद करण्यात आली आहे़
मुंबई - आग्रा महामार्गावरील गितेमळा परिसरात राहणार्‍या कुंदा ज्ञानेश्वर गिते या सकाळी ११ वाजेच्या सुमारास स्वयंपाक करीत असताना अचानक स्टोव्हचा भडका झाला़ यामध्ये गंभीर भाजल्याने त्यांचे पती ज्ञानेश्वर गिते यांनी जिल्हा रुग्णालयात दाखल केले असता उपचारादरम्यान त्यांचा मृत्यू झाला़ या घटनेची आडगाव पोलीस ठाण्यात नोंद करण्यात आली आहे़ (प्रतिनिधी)