नवी दिल्ली : शीख रेजिमेंट, गोरखा रेजिमेंट, राजपूत रेजिमेंट, जाट रेजिमेंट, मराठा रेजिमेंटच्या धर्तीवर आदिवासी लोकांसाठी भारतीय सैन्यदलात स्वतंत्र आदिवासी रेजिमेंट तयार करण्याची मागणी खासदार बाळू धानोरकर यांनी लोकसभेत केली आहे.
आदिवासी लोकांसाठी स्वतंत्र “आदिवासी” रेजिमेंट केल्यास आदिवासी समाजाचा आदर होईल आणि अधिकाधिक आदिवासी तरुणांना सैन्यात भरती होण्यासाठी आणि राष्ट्राच्या सुरक्षेसाठी काम करण्यास प्रोत्साहन मिळेल. आदिवासी लोकांसाठी काही शब्द वापरले जातात जे अत्यंत अपमानास्पद आणि आक्षेपार्ह आहेत.