Coronavirus: आता पोस्टानं होणार कोरोना टेस्टिंग किट्सची डिलिव्हरी; ICMRनं केला करार

देशातील वेगवेगळ्या ठिकाणी वेळेवर चाचणी किट्स वितरित केल्या जाऊ शकतात, यासाठी केंद्र सरकार सर्व उपाययोजना करीत आहे.

ठळक मुद्देरुग्णांची ओळख पटविण्यासाठी आणि रोगावर नियंत्रण मिळविण्यासाठी त्याची चाचणी करणे खूप महत्त्वाचे ठरते. भारतातील सर्व भागांमध्ये आता चाचणी किटची डिलिव्हरी करण्याला प्रथम प्राधान्य देण्यात येत आहे. देशातील वेगवेगळ्या ठिकाणी वेळेवर चाचणी किट्स वितरित केल्या जाऊ शकतात, यासाठी केंद्र सरकार सर्व उपाययोजना करीत आहे.

नवी दिल्लीः कोरोनाच्या महारोगराईच्या संकटाचा जगाला सामना करावा लागत आहे. भारतातही कोरोनाचा फैलाव झाला असून, केंद्र सरकारांबरोबरच राज्य सरकारे त्यावर नियंत्रण मिळवण्याचा प्रयत्न करत आहेत. अशा परिस्थितीत रुग्णांची ओळख पटविण्यासाठी आणि रोगावर नियंत्रण मिळविण्यासाठी त्याची चाचणी करणे खूप महत्त्वाचे ठरते. भारतातील सर्व भागांमध्ये आता चाचणी किटची डिलिव्हरी करण्याला प्रथम प्राधान्य देण्यात येत आहे.देशातील वेगवेगळ्या ठिकाणी वेळेवर चाचणी किट्स वितरित केल्या जाऊ शकतात, यासाठी केंद्र सरकार सर्व उपाययोजना करीत आहे. भारतीय वैद्यकीय संशोधन परिषदे(आयसीएमआर)ने दररोज संपूर्ण देशात सुमारे 1 लाख चाचण्या करण्याचे उद्दिष्ट्य ठेवले आहे. या महत्त्वपूर्ण कामात भारतीय डाक विभाग महत्त्वाची भूमिका बजावणार आहे. 1,56,000 पोस्ट ऑफिसच्या भव्य नेटवर्कसह भारतीय पोस्ट ऑफिस पुन्हा एकदा कोरोना वॉरियर्स बनले आहे.आधार प्रणालीद्वारे लोकांना घरोघरी पैसे पाठविण्याचे काम करणाऱ्या भारतीय पोस्ट ऑफिसनं आता कोरोना साथीच्या आजारात लोकांची सेवा सुरू केली आहे. इंडिया पोस्ट आपल्या 16 प्रादेशिक ऑफिसमधून कोरोना चाचणी किट देखील डिलिव्हरी करणार आहे. त्यासाठी आयसीएमआरबरोबर एक करारही करण्यात आला आहे. देशातील आयसीएमआरने ठरवून दिलेल्या 200 अतिरिक्त लॅबसाठी भारतीय पोस्ट ऑफिस टेस्ट किट्सचा पुरवठा करणार आहे. या सर्व प्रयोगशाळांना कोरोनाची चाचणी घेण्याची परवानगी देण्यात आली आहे. या निर्णयावर कायदामंत्री रविशंकर प्रसाद म्हणाले की, आयसीएमआर आणि टपाल विभाग यांच्यातील या कराराचे मी स्वागत करतो. टपाल विभाग लोकांना पत्रे, औषधे, आर्थिक मदत यांसारख्या सुविधा देत आहे. लॉकडाऊनच्या दरम्यान, गरजूंना अन्न आणि रेशन देण्याचे देखील काम करीत आहे. अशा कठीण काळात आपले पोस्टमन देशाबरोबर खांद्याला खांदा लावून काम करत आहेत.करारानुसार टेस्टिंग किट पोस्टल विभागाच्या ऑफिसमध्ये येताच ती वेगवेगळ्या राज्यांच्या संबंधित प्रयोगशाळांमध्ये वेळेवर पाठवण्यात येणार आहेत. हे आगार 16 पोस्टल मंडळे किंवा राज्यांचं मिळून बनलेलं आहे. टपाल विभाग आणि आयसीएमए डून या कामासाठी नोडल अधिका-यांचीही नेमणूक करण्यात आली आहे, जेणेकरून वेळेवर टेस्टिंग किट पोहोचवता येतील. वेळोवेळी चाचणी किट्स संबंधित प्रयोगशाळेत पोहोचतात, त्यास प्राधान्य दिले गेले आहे. इंडिया पोस्टने काही चाचणी किटची डिलिव्हरी देखील सुरू केली आहे. कोलकाता, भुवनेश्वर, रांची, पटना, जोधपूर, अजमेर, झालावार, उदयपूर, कोटा, डूंगरपूर, चूरू, गुवाहाटी ते इंफाळ आणि आयजल येथून कसोटी किट पाठविली जात आहेत. किट्स खराब होऊ नयेत म्हणून ती बर्फाने पॅक केली जातात.