बांधकाम कामगारांनाही आता मिळणार पेन्शन, केंद्र सरकार जारी करणार नॅशनल कार्ड

Construction worker: केंद्र सरकार असंघटित क्षेत्रातील बांधकाम कामगारांना निवृत्ती वेतन देण्यासाठी राष्ट्रीय पातळीवरील कार्ड जारी करण्याचा विचार करीत आहे.

नवी दिल्ली : केंद्र सरकार असंघटित क्षेत्रातील बांधकाम कामगारांना निवृत्ती वेतन देण्यासाठी राष्ट्रीय पातळीवरील कार्ड जारी करण्याचा विचार करीत आहे. बांधकाम व घरबांधणी कामगारांसाठी (बीओसीडब्ल्यू) चालविण्यात येत असलेल्या योजनांची व्याप्ती वाढविण्याची तयारी केंद्र सरकारने चालविली आहे. बीओसीडब्ल्यू फंडातील उपलब्ध निधीचा उपयोग लाखो असंघटित कामगारांना निवृत्ती वेतन देण्यासाठी  व अन्य सामाजिक सुरक्षा योजनांसाठी केला जाऊ शकतो. ४०,००० कोटी रुपयांपेक्षा अधिक रक्कम राज्य सरकारांकडे खर्चाविना पडून आहे.