बिझनेस आयडिया शोधत असलेले दोन मित्र चहाच्या टपरीवर भेटले. चहाचा एक घोट घेण्याआधीच त्याची नजर तिथे पसरलेल्या घाणीवर पडली. चहाचा कपही घाण झाला होता. त्याच वेळी लोकांना स्वच्छ चहा का देऊ नये? असा विचार आला. जेव्हा कल्पना सुचली तेव्हा दोन्ही मित्रांनी ती प्रत्यक्षात आणण्यास सुरुवात केली. एक कंपनी स्थापन केली आणि त्याला 'चाय ठेला' असं नाव दिलं.
आयआयटी खरगपूरचे माजी विद्यार्थी पंकज आणि नितीन चौधरी या दोन मित्रांनी स्टार्टअप सुरू केला होता. मित्रांनी हा स्टार्टअप किओस्क मॉडेलवर सुरू केला. त्यासाठी त्यांना गुंतवणूक वाढवतानाही खूप त्रास झाला, पण जिद्द असेल तर काहीही शक्य आहे, असं म्हणतात. आज चाय ठेला हा एक मोठा ब्रँड बनला आहे. एका मुलाखतीतपंकज आणि नितीन यांनी सांगितले होते की चाय ठेलाच्या आधी त्यांचा आणखी एक स्टार्टअप होता जो खराब झाला. तो आर्थिक संकटाशी झुंजत सामना करत होता.
दोघांनाही नोकरी करायची नव्हती. त्यामुळेच ते सतत फक्त बिझनेस आयडियावर काम करत होते. पंकजच्या मनात एखादी कल्पना आली की तो नितीनला फोन करून त्याच्याशी शेअर करायचा आणि नितीनला कल्पना आल्यावर तो पंकजपर्यंत पोहोचायचा किंवा त्याला फोन करायचा. अशाच एका कल्पनेवर चर्चा करण्यासाठी दोन्ही मित्र नोएडामध्ये भेटले होते, त्याच दरम्यान चहाच्या टपरीची कल्पना सुचली.
आयआयटी खरगपूरच्या दोन्ही माजी विद्यार्थ्यांनी आपली कल्पनाच आपला यूएसपी बनवली, अस्वच्छता पाहून त्यांनी चहाच्या टपरीचा विचार केला. तो विचार कायम ठेवला. कमी बजेटमध्ये लोकांना चांगला आणि स्वच्छ चहा देण्यावर त्यांचा पूर्ण भर होता, हेच या स्टार्टअपच्या यशाचे रहस्य आहे. किओस्क मॉडेलवर सुरू झालेल्या स्टार्टअपने आता आउटलेटचे रूप धारण केले आहे.
आता देशभरात अनेक आउटलेट
नोएडा व्यतिरिक्त, चाय ठेलाचे दिल्ली, गुरुग्राम, मुंबईसह 10 हून अधिक शहरांमध्ये आउटलेट आहेत. चाय ठेलाचे वैशिष्ट्य म्हणजे येथे नेहमीच ताजा चहा दिला जातो. हळूहळू हा ब्रँड लोकप्रिय होत आहे. पंकज आणि नितीन यांनी आता या स्टार्टअपला 500 आउटलेटपर्यंत नेण्याचं लक्ष्य ठेवलं आहे. भारतातील चहा उद्योग सातत्याने वाढत आहे. सध्या देशात चहाची बाजारपेठ 33 हजार कोटी रुपयांची आहे. एका हिंदी वेबसाईटने याबाबतचे वृत्त दिले आहे.