नवी दिल्ली - तामिळनाडूतील लष्कराच्या हेलिकॉप्टर अपघातात देशाचे पहिले CDS जनरल बिपिन रावत (CDS General Bipin Rawat) आणि त्यांच्या पत्नीसह 13 जवानांचा मृत्यू झाला. सीडीएस बिपिन रावत यांच्या निधनाने संपूर्ण देश हळहळला आहे, शोक व्यक्त करत आहे. राजकारणी, क्रिकेटपटू, बॉलिवूड सेलिब्रिटी सोशल नेटवर्किंग साइट्स ट्विटरवरून त्यांना श्रद्धांजली अर्पण करण्यात येत आहे. दरम्यान, जनरल बिपिन रावत यांचा एक जुना व्हिडिओ सोशल मीडियावर प्रचंड व्हायरल होत आहे. यात रावत हे किती 'जिंदादिल' व्यक्तीमत्व होते, याची प्रचिती येते.
हा व्हिडिओ पाहून कुणीही म्हणू शकतो, की सीडीएस जनरल बिपिन रावत हे एक जिंदादिल व्यक्तीमत्व होते. या व्हायरल व्हिडिओमध्ये सीडीएस जनरल बिपिन रावत लष्कराच्या जवानांसोबत मस्ती करताना दिसत आहेत. लष्कराच्या सर्व जवानांनी जनरल बिपिन रावत यांना आपल्या हातवर घेतले आहे आणि ते मोठ्याने ओरडत आहेत. हा व्हिडिओ आयएएस अधिकारी अवनीश शरण यांनी त्यांच्या ट्विटर हँडलवरून शेअर केला आहे. तसेच, व्हिडिओ शेअर करत त्यांनी "जीवन क्षणभंगूर आहे. आठवणी कायम असतात," असे कॅप्शनमध्ये लिहिले आहे.
हा व्हिडिओ सोशल मीडियावर प्रचंड व्हायरल होत आहे. तसेच आतापर्यंत हा व्हिडिओ लाखो लोकांनी बघितला आहे. या शिवाय, या व्हिडिओवर शेकडो कमेंट्स देखील आल्या आहेत. हा व्हिडिओ पाहून सोशल मीडिया यूझर्स भावूक होत आहेत.
हा व्हिडिओ पाहून एका यूझरने, "अत्यंत दुःखाची वेळ, वीर सुपुत्राचे असे अचानक जाणे, काल पासून प्रत्येक भारतीय नागरीक, तथा संपूर्ण देश एका शून्यात, अशा अर्थाची कमेंट केली आहे.