पोलिसांचे मारेकरी शोधण्यासाठी मोहीम, संतप्त गावकऱ्यांची जवानांवर दगडफेक

शोपियां जिल्ह्यात तीन पोलिसांची दहशतवाद्यांनी हत्या केल्यानंतर सुरक्षा दलाच्या जवानांनी पुलवामा व शोपियां जिल्ह्यात जोरदार शोधमोहीम हाती घेतली असून, घराघरात शिरून तपासणी सुरू आहे

श्रीनगर : शोपियां जिल्ह्यात तीन पोलिसांची दहशतवाद्यांनी हत्या केल्यानंतर सुरक्षा दलाच्या जवानांनी पुलवामा व शोपियां जिल्ह्यात जोरदार शोधमोहीम हाती घेतली असून, घराघरात शिरून तपासणी सुरू आहे, तसेच अतिरेक्यांच्या शोधासाठी रस्त्यांवरून जाणारी सर्व वाहनेही अडवली जात आहेत.पुलवामा व शोपिया या दोन जिल्ह्यांच्या किमान आठ गावांमध्ये जवान मोठ्या प्रमाणात तैनात करण्यात आले आहेत. त्यात लष्कर, केंद्रीय राखीव सुरक्षा दलाचे जवान आणि स्थानिक पोलीस सहभागी झाले आहेत. या गावांमध्ये जाण्याच्या सर्व रस्त्यांवरही अडथळे उभे केले असून, येणाºया-जाणाºया प्रत्येकाची चौकशी व तपासणी केली जात आहे.आज तपासणी सुरू असताना एका गावातील रहिवासी व सुरक्षा दलाचे जवान यांच्यात बाचाबाची झाली. प्रत्येक घरात जवान घुसत असल्याने संतापलेल्या काही लोकांनी जवानांवर दगडफेक केली. त्या जमावाला पांगवण्यासाठी अश्रुधुराचा मारा करावा लागला, असे अधिकाºयाने सांगितले. (वृत्तसंस्था)