बिहार विधानसभा निवडणुकांची रणधुमाळी सुरू झाली आहे. राजकीय पक्षांच्या जागावाटपाच्या चर्चा सुरू आहेत. दरम्यान, आता बिहार विधानसभा निवडणुकीसाठी भाजपने उमेदवारांची पहिली यादी जाहीर केली आहे. या यादीत ७१ उमेदवारांचा समावेश आहे. पक्षाने उपमुख्यमंत्री सम्राट चौधरी यांना तारापूर येथून तिकीट दिले आहे.
चौधरींव्यतिरिक्त, भाजपच्या पहिल्या यादीत रामकृपाल यादव, संजीव चौरसिया, विजय सिन्हा, श्रेयसी सिंह आणि मंगल पांडे यांची प्रमुख नावे आहेत. पक्षाच्या पहिल्या यादीत नऊ महिलांचाही समावेश आहे. विधानसभा अध्यक्ष नंद किशोर यांना तिकीट देण्यात आलेले नाही.
रत्नेश कुशवाह यांना पाटणा साहिब, रमा निषाद यांना औराई, राजकुमार यांना साहिबगंज येथून उमेदवारी देण्यात आली आहे. फोर्ब्सगंज येथून विद्यासागर, किशनगंज येथून स्वीटी सिंह यांना उमेदवारी देण्यात आली आहे. दरौंडा येथून कर्णजित सिंह, लालगंज येथून संजय कुमार सिंह यांना उमेदवारी देण्यात आली आहे.
सम्राट चौधरी यांना ज्या जागेवरून तिकीट देण्यात आले त्या जागेबाबत अडचणी होत्या. मुख्यमंत्री नितीश कुमार हे जागा वाटपावर नाराज असल्याचे सांगण्यात आले. सम्राट चौधरी यांनी तारापूर येथून निवडणूक लढवू नये असे त्यांना वाटत होते. त्यांच्या उमेदवारीवर त्यांनी नाराजी व्यक्त केली होती.
Web Summary : BJP released its first list of 71 candidates for the Bihar elections, including Samrat Choudhary from Tarapur. The list features prominent names like Ramkripal Yadav and includes nine women. Nitish Kumar reportedly opposed Choudhary's candidacy from Tarapur.
Web Summary : बीजेपी ने बिहार चुनाव के लिए 71 उम्मीदवारों की पहली सूची जारी की, जिसमें सम्राट चौधरी (तारापुर) शामिल हैं। रामकृपाल यादव जैसे प्रमुख नाम और नौ महिलाएं शामिल हैं। नीतीश कुमार ने कथित तौर पर चौधरी की उम्मीदवारी का विरोध किया।