बंगळुरू : कर्नाटकमध्ये भाजप आमदाराचे एका महिलेसोबत गैरवर्तन समोर आले आहे. आमदार अरविंद लिंबवली यांनी महिलेला अश्लील शिवीगाळ करत गैरवर्तन केले. दरम्यान, मुसळधार पावसानंतर बंगळुरूच्या वरथूरमध्ये पीडित महिलेने आमदाराला तक्रार पत्र देण्याचा आणि काही समस्यांबद्दल बोलण्याचा प्रयत्न केला, तेव्हा भाजप आमदार अरविंद लिंबवली संतप्त झाले.
भाजप आमदार अरविंद लिंबावली यांचा एका महिलेसोबत गैरवर्तन केल्याचा व्हिडिओ समोर आला आहे, ज्यामध्ये ते महिलेला शिवीगाळ करत तिच्याकडून कागद फाडताना दिसत आहेत. महादेवपुरा येथील भाजप आमदारापर्यंत काहीतरी सांगण्यासाठी ही महिला पोहोचली होती. मात्र अरविंद लिंबावली तिच्यावर चिडले. त्या महिलेच्या हातात एक कागद होता आणि तो आमदाराला दाखवण्याचा प्रयत्न करत होती, मात्र आमदाराने तो हिसकावून फाडला. यानंतर त्यांनी पोलिसांना महिलेला ताब्यात घेण्याचे आदेश दिले.
यापूर्वी, भाजप आमदाराने आपल्या मुलीने वाहतूक नियमांचे उल्लंघन करत पोलिसांशी गैरवर्तन केले होते. याप्रकरणी भाजप आमदाराने माफी मागितली होती. मात्र आता याच आमदाराने एका महिलेसोबत गैरवर्तन केले आहे. दरम्यान, नेते आणि लोकप्रतिनिधी यांच्याकडून नेहमीच संयम आणि सौजन्याने वागणे अपेक्षित असते, परंतु अनेक प्रसंगी ते मर्यादा तोडून जनतेशी गैरवर्तन करतात. कधी लोकप्रतिनिधींनी जनतेशी तर कधी अधिकार्यांशी गैरवर्तन केल्याची अशी अनेक प्रकरणे देशभरात घडली आहेत.