ठळक मुद्देभाजप नेते डी. के. गुप्ता यांची गोळ्या झाडून हत्या याप्रकरणी पोलिसांनी तीन जणांना ताब्यात घेतले आहे. गुप्ता यांच्या हत्येप्रकरणी वीरेश तोमर व अन्य दोन जणांविरुद्ध गुन्हा दाखल करण्यात आला आहे.
फिरोजाबाद :उत्तर प्रदेशात फिरोजाबादच्या टुंडलामध्ये दुचाकीवर आलेल्या तीन जणांनी भाजप नेते डी. के. गुप्ता यांची गोळ्या झाडून हत्या केली. याप्रकरणी पोलिसांनी तीन जणांना ताब्यात घेतले आहे.
वरिष्ठ पोलीस अधीक्षक सचिंद्र पटेल यांनी सांगितले की, गुप्ता यांच्या हत्येप्रकरणी वीरेश तोमर व अन्य दोन जणांविरुद्ध गुन्हा दाखल करण्यात आला आहे. तोमरसह अन्य दोघांना पोलिसांनी ताब्यात घेत चौकशी सुरू केली आहे. प्राथमिक तपासात असे दिसून आले आहे की, या लोकांमध्ये काही वाद सुरू होता. फेसबुकवरही याबाबत पोस्ट टाकण्यात आली होती. या घटनेनंतर स्थानिक भाजप नेत्यांनी संताप व्यक्त करीत रस्ता रोको केला आणि पोलीस प्रशासनाविरुद्ध घोषणाबाजी केली.