नवी दिल्ली : देशातील विविध शहरे आणि रेल्वे स्थानकांच्या नामकरणानंतर आता एका राज्याचे नाव बदलण्याच्या हालचालींना वेग आला आहे. दक्षिण भारतातील महत्त्वाचे राज्य असलेल्या 'केरळ'चे नाव बदलून ते 'केरळम' असे करण्याच्या प्रस्तावाला केंद्रीय मंत्रिमंडळ लवकरच मंजुरी देण्याची शक्यता आहे. विशेष म्हणजे, केरळमध्ये होऊ घातलेल्या विधानसभा निवडणुकांच्या पार्श्वभूमीवर हा निर्णय अत्यंत महत्त्वाचा मानला जात आहे.
मल्याळम भाषेत या राज्याला 'केरळम' असेच संबोधले जाते. मात्र, संविधानाच्या पहिल्या अनुसूचीमध्ये या राज्याचे नाव 'केरळ' असे नोंदवलेले आहे. राज्याची सांस्कृतिक आणि भाषिक ओळख जपण्यासाठी हे नाव बदलण्याची मागणी केरळ विधानसभेने यापूर्वीच एकमताने केली होती. आता केंद्र सरकार या प्रस्तावावर अंतिम निर्णय घेण्याच्या तयारीत आहे.
निवडणुकीच्या वर्षात 'रीब्रँडिंग'ची तयारी?केरळमध्ये आगामी काळात विधानसभा निवडणुका होणार आहेत. या पार्श्वभूमीवर राज्याचे नाव बदलण्याचा निर्णय ही एक प्रकारची 'रीब्रँडिंग' प्रक्रिया असल्याचे बोलले जात आहे. केंद्र सरकारने या प्रस्तावाला मंजुरी दिल्यास, सरकारी दस्तऐवज, राज्यघटना आणि आंतरराष्ट्रीय स्तरावरही राज्याची ओळख 'केरळम' अशी होईल.
Web Summary : The central government is likely to approve renaming Kerala to 'Keralam' before the upcoming assembly elections. The Kerala assembly already unanimously supported the change, aiming to preserve the state's cultural and linguistic identity. This rebranding could impact official documents and international recognition.
Web Summary : आगामी विधानसभा चुनावों से पहले केंद्र सरकार केरल का नाम बदलकर 'केरलम' करने की मंजूरी दे सकती है। केरल विधानसभा ने पहले ही सर्वसम्मति से इस बदलाव का समर्थन किया है, जिसका उद्देश्य राज्य की सांस्कृतिक और भाषाई पहचान को संरक्षित करना है। यह रीब्रांडिंग सरकारी दस्तावेजों और अंतरराष्ट्रीय मान्यता को प्रभावित कर सकता है।