BSF Bus Accident News : जम्मू-काश्मीरच्या बडगाव येथे BSF च्या जवानांना घेऊन जाणाऱ्या बसचा अपघात झाला. बस खोल खड्ड्यात कोसळल्याने ही दुर्घटना घडली. माहिती मिळताच स्थानिकांनी घटनास्थळी हजेरी लावली. अनेक जवान जखमी झाल्याची माहिती आहे. मदत आणि बचाव पथक जखमींना बाहेर काढण्यात आणि रुग्णालयात नेण्यात व्यग्र आहे. स्थानिक लोकांनीही मदतीचा हात पुढे केला आहे.
माहितीनुसार, काश्मीरमधील बडगाम जिल्ह्यातील वाटरहाळे भागात बीएसएफ जवानांना घेऊन जाणाऱ्या बसला अपघात झाला. बस कोसळल्याचे समजताच नागरिकांमध्ये घबराट पसरली. पाच बसचा ताफा रस्त्यावरून जात होता. पण, शेवटची बस नियंत्रणाबाहेर गेली, त्यामुळे ती सुमारे ४० फूट खोल खड्ड्यात पडली. या अपघातात दोन डझनहून अधिक जखमी झाले असून एक जवान गंभीर जखमी झाला आहे.