सध्या सोशल मीडियावर बागेश्वर धामचे व्हिडिओ खूप व्हायरल होत आहेत. अशाच एका व्हि़डीओची सध्या जोरदार चर्चा रंगली आहे. व्हायरल झालेल्या एका व्हिडिओमध्ये एक नववधू पंडित धीरेंद्र शास्त्रींना आपल्या मनातील गोष्ट सांगते. हे ऐकून धीरेंद्र शास्त्रींचे डोळे पाणवले. बागेश्वर धामचा हा व्हिडीओ इंटरनेटवर मोठ्या प्रमाणात व्हायरल होत आहे.
काही दिवसांपूर्वी बागेश्वर धाममध्ये अनेक जोडप्यांचे लग्न झाले होते. व्हायरल झालेल्या व्हिडिओमध्ये दिसत आहे की बागेश्वर धाममध्ये काही जोडप्यांचे लग्न होत आहे, त्यापैकी एक नववधू बागेश्वर महाराजांना तिला काय हवे आहे ते सांगत आहे. वधूने सांगितले की, "माझे वडील या जगात नसल्याने बागेश्वर महाराजांनी मला खूप मदत केली आहे." त्याचवेळी हे ऐकून धीरेंद्र शास्त्री यांचे डोळे पाणावले.
धीरेंद्र शास्त्री यानंतर म्हणाले की, कोण म्हणत तुला वडील नाहीत, आजपासून आम्ही तुझे आयुष्यभरासाठी वडील आहोत. इथे केव्हाही या, येत राहा, फक्त आम्हीच नाही तर बागेश्वर धामसोबत जितके लोक जोडले गेले आहेत ते सर्व तुझे आहेत. आनंदी राहा मुली. यानंतर ते नवरदेला मुलीला आनंदी ठेवण्यास सांगतात, कोणतीही तक्रार नको हे ऐकून वधूच्या डोळ्यात अश्रू येऊ लागतात. बागेश्वर धामचा हा व्हिडिओ लोकांना खूप आवडला असून तो व्हायरल होत आहे.
आत्तापर्यंत लाखो लोकांनी हा व्हिडिओ पाहिला आहे आणि लोक कमेंट करत आहेत. कमेंट करताना एका इन्स्टा यूजरने लिहिले की, 'मी आज तुम्हाला माझ्या स्वप्नात पाहिले. तिथे दुसऱ्याने लिहिले - पंडितजींनी माझे मन प्रसन्न केले. याशिवाय एकाने लिहिले की, मी जे काही बोललो ते तुमच्यासाठी कमी आहे. हा व्हिडीओ neer_4108 च्या इन्स्टा अकाउंटवरून पोस्ट करण्यात आला आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"