मुंबई: भारतातील प्रसिद्ध उद्योगपती आनंद महिंद्रा सोशल मीडियावर खूप सक्रिय असतात. ते अनेकदा ते सोशल मीडियावर विविध फोटो आणि व्हिडिओ शेअर करत असतात. त्यांनी शेअर केलेले फोट आणि व्हिडिओ प्रचंड व्हायरल होतात. हे व्हिडिओ पाहून लोकांची उत्सुकताही वाढते. नुकतच त्यांनी एक व्हिडिओ शेअर केला आहे. त्या व्हिडिओनेही सोशल मीडियावर धुमाकूळ घातलाय.
आनंद महिंद्रांनी शेअर केला व्हिडिओ
आनंद महिंद्रा यांनी शेअर केलेला व्हिडिओ सध्या खूप व्हायरल होत आहे. व्हिडिओ पाहून तुम्हीही थक्क होऊन जाल. हा व्हिडिओ एक मुलगा आणि एका मुलीचा आहे. व्हिडिओमध्ये दोघेजण महिंद्राची थार गाडी चालवताना दिसत आहेत. या व्हिडिओमध्ये दोघांमधील प्रेमही दाखवण्यात आले आहे. या अतिशय रोमँटिक व्हिडिओवर नेटकरी विविध कमेंट्स करत आहेत.
पाहा व्हिडिओ
विशेष म्हणजे हा खरा व्हिडिओ नसून, आनंद महिंद्रांनी शेअर केलेला व्हिडिओ जाहिरात व्हिडिओ आहे. या व्हिडीओमध्ये एका प्रेमी युगुलाच्या माध्यमातून महिंद्रा थार वाहनाची जाहिरात दाखवण्यात आली आहे. व्हिडिओमध्ये एक मुलगा आणि मुलगी थारमधून रेस करताना दिसत आहेत. दोघेही डोंगराळ मार्गावर धावतात आणि यादरम्यान त्यांना एकमेकांवर प्रेम होते.
अप्रतिम व्हिडिओ
शर्यतीच्या शेवटी मुलगा मुलीला प्रपोज करतो आणि 'फेरे तो हो गये' असे सांगतो. मुलीला याचा धक्का बसतो आणि ती त्या मुलाला सांगते 'तू अशक्य आहेस'. ज्याच्या प्रत्युत्तरात तो मुलगा म्हणतो 'अशक्य..असे काही नाही.' व्हिडिओच्या बॅकग्राऊंडला 'मेरे सपनो की रानी...' हे गाणे ऐकू येत आहे.