अजमेर - सियालदाह एक्स्प्रेसला अपघात, 44 जखमी

कानपूरमधील रुरा स्टेशनजवळ एक्स्प्रेसचे 14 डबे रुळावरुन घसरले आहेत. अपघातामुळे कानपूर मार्गाच्या रल्वे वाहतुकीवर परिणाम झाला आहे.

ऑनलाइन लोकमत

कानपूर, दि. 28 - कानपूरमधील रुरा स्टेशनजवळ एक्स्प्रेसचे 14 डबे रुळावरुन घसरले आहेत. अपघातामुळे कानपूर मार्गाच्या रल्वे वाहतुकीवर परिणाम झाला आहे. अपघातामध्ये 44 प्रवासी जखमी झाले आहेत. अपघातात दोन प्रवाशांचा मृत्यू झाल्याची माहिती सुरुवातीला देण्यात आली होती, मात्र कोणाचाही मृत्यू झाला नसल्याची माहिती रेल्वे मंत्रालयाने दिली आहे. जखमींमध्ये ट्रेनच्या गार्डचाही समावेश आहे. 

 

अजमेर - सियालदाह एक्स्प्रेसला हा अपघात झाला आहे. अजमेर - सियालदाह एक्स्प्रेसचे (12988) 14 डबे पहाटे साडे पाचच्या सुमारास रुळावरुन घसरले आहेत अशी माहिती रेल्वे अधिका-याने दिली आहे. अपघाताची माहिती मिळताच कानपूर रेल्वे विभागाच्या अधिका-यांनी घटनास्थळी धाव घेतली असून बचावकार्य सुरु आहे. या अपघातामुळे दिल्ली-हावडा मार्गावरील वाहतूक ठप्प झाली आहे. 

 

दरम्यान केंद्रीय रेल्वेमंत्री सुरेश प्रभू यांनी आपण परिस्थितीवर लक्ष ठेवून असल्याचं सांगितलं आहे. तसंच अपघातास जबाबदार व्यक्तींवर कारवाई करण्यात येईल असंही सांगितलं आहे.

 

1/Personally monitoring the situation in wake of unfortunate derailment of Sealdah-Ajmer express near Kanpur— Suresh Prabhu (@sureshpprabhu) 28 December 2016

तसंच रेल्वेने हेल्पलाईन क्रमांकही जारी केले आहेत -

 

Derailment Sealdah Ajmer Ex Help Line No. pic.twitter.com/2Q2dizU3Rc— Ministry of Railways (@RailMinIndia) 28 December 2016

गेल्याच महिन्यात कानपूरमध्येच रेल्वे अपघात झाला होता ज्यामध्ये 140 जणांनी आपला जीव गमावला होता. इंदूरवरुन पाटणाला जाणा-या इंदूर इंटरसिटी गाडीचे 14 डब्बे रुळावरुन घसरले होते. 

 

#WATCH 14 coaches of Train no 12988 #AjmerSaeldah express derail near Roora (Kanpur, Uttar Pradesh). Several injured. pic.twitter.com/s3VRDUavlu— ANI UP (@ANINewsUP) 28 December 2016

#FirstVisuals 14 coaches of Train no 12988 Ajmer-Saeldah express derail near Kanpur. Several injured. Rescue team rushed to the spot. pic.twitter.com/2XW1OKiYzQ— ANI UP (@ANINewsUP) December 28, 2016

 

#FLASH 14 coaches of Saeldah-Ajmer express derail near Kanpur. More details awaited.— ANI UP (@ANINewsUP) December 28, 2016