नवी दिल्ली: विमान प्रवाशांसाठी दिलासादायक निर्णय घेत नागरी विमान वाहतूक नियामक महासंचालनालयाने (डीजीसीए) तिकीट परताव्याच्या नियमांत सुधारणा केली आहे. आता ठराविक अटींनुसार बुकिंग केल्यानंतर ४८ तासांच्या आत तिकीट रद्द किंवा बदल केल्यास अतिरिक्त शुल्क आकारले जाणार नाही.
डीजीसीएने २४ फेब्रुवारी रोजी सुधारित नागरी विमान वाहतूक आवश्यकता (सीएआर) जाहीर केली. त्यानुसार, तिकीट बुकिंगनंतर प्रवाशांना ४८ तासांची 'लुक-इन ऑप्शन' सुविधा देणे विमान कंपन्यांसाठी बंधनकारक असेल. तिकीट रद्द किंवा बदल केल्यास बदललेल्या उड्डाणासाठी लागू असलेले नियमित भाडे (फेअर) मात्र भरावे लागेल.
देशांतर्गत उड्डाणाची तारीख बुकिंगनंतर ७ दिवसांच्या आत किंवा आंतरराष्ट्रीय उड्डाणाची तारीख १५ दिवसांच्या आत असेल, तर ही सुविधा लागू होणार नाही.
नाव दुरुस्तीसाठी अतिरिक्त शुल्क नाही
कंपनीच्या संकेतस्थळावरून तिकीट बुक केल्यास आणि बुकिंगनंतर २४ तासांत प्रवाशाने स्वतःच्या नावातील चूक निदर्शनास आणून दिल्यास, त्यासाठी अतिरिक्त शुल्क आकारता येणार नाही.
वैद्यकीय आणीबाणीच्या परिस्थितीत तिकीट रद्द केल्यास विमान कंपनी परतावा किंवा 'क्रेडिट शेल' देऊ शकते.
तिकीट परतावा वेळेवर न मिळाल्याबाबत प्रवाशांच्या तक्रारी वाढल्या होत्या. डिसेंबर २०२५ मध्ये २९,२१२ तक्रारी आल्या. ७.५ टक्के तक्रारी परताव्याशी संबंधित होत्या.
Web Summary : DGCA allows free cancellation/changes within 48 hours of booking, excluding fare differences. Name correction is also free within 24 hours of booking. Rules apply to bookings made 7 days before domestic flights and 15 days before international flights.
Web Summary : डीजीसीए ने बुकिंग के 48 घंटों के भीतर मुफ्त रद्द/बदलाव की अनुमति दी, जिसमें किराए का अंतर शामिल नहीं है। बुकिंग के 24 घंटों के भीतर नाम सुधार भी मुफ्त है। नियम घरेलू उड़ानों से 7 दिन और अंतर्राष्ट्रीय उड़ानों से 15 दिन पहले की बुकिंग पर लागू होते हैं।