नवी दिल्ली- राजस्थानमधील बडमेर जिल्ह्यात भारतीय हवाई दलाचे लढाऊ विमान कोसळल्याची धक्कादायक घटना घडली आहे. या अपघात झालेल्या मीग-२१ या लढाऊ विमानात दोन वैमानिक होते. या दोघांचाही अपघातात दुर्दैवी मृत्यू झाला आहे. गुरुवारी (२८ जुलै) रात्री ९ च्या सुमारास ही घटना घडली.
सदर अपघात राजस्थानमधील बारमेरच्या भीमडा गावात झाला आहे. सध्या अपघाताचे कारण समजू शकलेले नाही. अपघातापूर्वी मिग-२१ हे विमान भीमडा गावाभोवती फिरत होते, अशी माहिती समोर येत आहे.
राजस्थानमधील बारमेरजवळ आयएएफच्या मिग-२१ ट्रेनर विमानाच्या अपघातात प्राण गमावलेल्या दोन्ही हवाई योद्धांबद्दल देशाचे संरक्षण मंत्री राजनाथ सिंह यांनी शोक व्यक्त केला आहे.