अहमदाबाद - गुजरातच्या अहमदाबादमधील एका इमारतीत शुक्रवारी (26 जुलै) भीषण आग लागली आहे. आगीत दोन जण गंभीर जखमी झाले असून 15 जण अडकल्याची शक्यता वर्तवण्यात येत आहे. आगीची माहिती मिळताच अग्निशमन दलाच्या 10 गाड्या घटनास्थळी दाखल झाल्या असून आग विझवण्याचे शर्थीचे प्रयत्न सुरू आहेत. जखमींना उपचारासाठी तातडीने जवळच्या रुग्णालयात दाखल करण्यात आले असून दोघांची प्रकृती गंभीर आहे.
मिळालेल्या माहितीनुसार, गुजरातच्या अहमदाबादमधील एका इमारतीला शुक्रवारी आग लागली आहे. इमारतीच्या पाचव्या आणि सहाव्या मजल्यावर ही भीषण आग लागली आहे. आगीची माहिती मिळताच अग्निशमन दलाच्या 10 गाड्या घटनास्थळी दाखल झाल्या असून आग विझवण्याचे शर्थीचे प्रयत्न सुरू आहेत. या आगीत दोन जण गंभीर जखमी झाले आहेत. आगीत 30 जण अडकले होते मात्र त्यापैकी 15 जणांची सुखरुप सुटका करण्यात अग्निशमन दलाला यश आले आहे. आणखी 15 जण अडकल्याची शक्यता वर्तवण्यात येत आहे. आगीचे नेमके कारण अद्याप अस्पष्ट आहे.