दिल्ली मेट्रो स्टेशनवरील आणखी एक व्हिडीओ सोशल मीडियावर चर्चेत आहे. पत्नी तिच्या बॉयफ्रेंडसोबत फिरत असताना पतीने तिला रंगेहात पकडले, असा दावा केला जात आहे. त्यानंतर सदर महिला आणि तिच्या पतीमध्ये जोरदार वादावादी होते. तसेच ती पतीला शिविगाळ करण्यास सुरुवात करते, असा दावा केला जात आहे.
दिल्लीतील कुठल्या तरी मेट्रो स्टेशनवर कथित बॉयफ्रेंडसोबत फिरत असलेल्या महिलेचा तिचा पती पाठलाग करतो. तसेच सदर महिला आणि तिच्या बॉयफ्रेंडचा एकत्र व्हिडीओ रेकॉर्ड करतो. रेकॉर्डिंग झाल्यावर पती त्या महिलेला हाक मारतो. फिरून झालं का? असं खड्या आवाजात विचारतो. हे ऐकून सदर महिला अवाक् होते.
त्यानंतर तीसुद्धा पतीला त्याच भाषेत उलट उत्तर देते. हो झालं फिरून. काय झालं. त्यावर पती तिला सांगतो की, मी तुझा व्हिडीओ रेकॉर्ड केला आहे. आता कोर्टात ये तू. त्यानंतर सदर महिला आणि तिच्या पतीमध्ये मारामारी सुरू होते. तिथे उपस्थित असलेले लोक त्यांचं भांडण सोडवण्याचा प्रयत्न करतात.
तेव्हा या महिलेचा पती ओरडून ओरडून सांगतो की, हिच्यासोबत मी पळून जाऊन लग्न केलं होतं. लव्ह मॅरेजनंतर हिने माझ्या आयुष्याचा नरक केला आहे. त्यावर महिलासुद्धा प्रत्युत्तर देते. ती म्हणते की, घटस्फोट तर मी घेणारच आहे.
दरम्यान, हा तरुण आपण दिल्लीतीर बुराडी, सुल्तानपुरी येथील असल्याचा दावा करतो. तसेच घटनास्थळावर उपस्थित असलेल्या लोकांनी या विवादाचा व्हिडीओ हा मोठ्या प्रमाणावर व्हायरल करावा, असं आवाहनही तो करतो. त्यानंतर सदर महिलेला पकडून दिल्लीतील नांगलोई पोलीस ठाण्यामध्ये जाणार असल्याचे तो सांगतो. आता पती आणि पत्नीमधील वादाचा हा व्हिडीओ मोठ्या प्रमाणात व्हायरल होत असून, सोशल मीडियावर विविध कॅप्शनसह तो शेअर केला जात आहे.