कोरोना व्हायरसच्या दुसऱ्या लाटेमुळे देशातील आरोग्य यंत्रणेवर प्रचंड ताण पडलेला जागोजागी दिसत आहे. ऑक्सिजनची कमतरता, रेमडेसीवीर इंजेक्शनचा तुटवडा, रुग्णांना बेड्स मिळवण्यासाठी नातेवाईकांना करावी लागणारी धडपड, ही सर्व संकटं समोर असताना नवे संकट उभे राहिले आहे. काळ्या व पांढ्या बुरशीच्या रोगाशी सामना करताना आता पिवळ्या बुरशीचा रुग्ण देशात सापडला आहे आणि तो अधिक धोकादायक असल्याचे जाणकारांचे म्हणणे आहे. ( After black and white fungus, yellow fungus infection cases reported in India)
देशात मागील २४ तासांत २ लाख २२,३१५ नव्या रुग्णांची भर पडली, तर ३ लाख २,५४४ रुग्ण ब रे झाले. ४४५४ रुग्णांना मागील २४ तासांत प्राण गमवावे लागले आहेत. देशात आतापर्यंत एकूण २ कोटी ६७ लाख ५२,४४७ कोरोना रुग्ण आढळले असून त्यापैकी २ कोटी, ३७ लाख २८,०११ रुग्णांनी कोरोनावर मात केली आहे. ३ लाख ३७२० रुग्णांना प्राण गमवावे लागले आहेत. आतापर्यंत १९ कोटी ६० लाख ५१,९६२ जणांना कोरोना लस देण्यात आली आहे, अशी माहिती आरोग्य मंत्रालयानं दिली आहे.
काय आहेत लक्षणं ? ( Symptoms of Yellow Fungus)
- भूक कमी लागणे किंवा लागणेच नाही, वजन कमी होणे, सुस्तपणा
- पू ची गळती आणि जखमेवर हळूहळू उपचार होणे, कुपोषण, अवयव निकामी होणे, डोळे येणे
- अशी लक्षणं दिसल्यास तातडीनं उपचार घेणे गरजेचे आहे.
पिवळी बुरशी होण्यामागचं कारण ( Causes of Yellow fungus)
- अस्वच्छता हे प्रमुख कारण आहे. त्यामुळे स्वच्छता राखणे महत्त्वाचे आहे. शिळं अन्न खाऊ नये.
- घरातील दमटपणाही महत्त्वाचा ठरतो. त्यामुळे अधिक दमट वातावणामुळे बुरशी होण्याचे संकटही वाझते.
उपचार ( Treatment of Yellow Fungus)
- Amphotericin B injection ( अ‍ॅम्फोटेरिसिन बी इंजेक्शन) हे यावरील औषध आहे.