नवी दिल्ली : दिल्ली पोलिसांनी काल रात्री लाल किल्ल्याजवळून आयएसआयएसच्या दोन दहशतवाद्यांना अटक केली आहे. जामा मशीदीजवळच्या बस थांब्यावर थांबले असताना ताब्यात घेतले.
या दहशतवाद्यांचे नाव परवेज आणि जमशेद असे असून ते इस्लामिक स्टेट इन जम्मू कश्मीर या दहशतवादी संघटनेशी संबंधित आहेत. या दोघांकडे दोन पिस्तुल, 10 काडतुसे आणि 4 मोबाईल जप्त करण्यात आले आहेत. ही शस्त्रे त्यांनी उत्तर प्रदेशमध्ये खरेदी केली होती. तसेच दोघेही दिल्लीहून काश्मिरला जाणार होते.
सुत्रांनुसार हे दोघेही काश्मीरचे रहिवासी आहेत. त्यांच्याविरोधात गुन्हा दाखल केला असून तपास यंत्रणा चौकशी करत आहेत. जानेवारीमध्ये एका चकमकीत परवेजचा दहशतवादी भाऊ मारला गेला होता. परवेज हा आधी हिज्बुल मुजाहिद्दीनशी संबंधीत होता नंतर तो आयएसजेकेमध्ये गेला.