०३... भिवापूर

(फोटो)
देशी दारू जप्त
आरोपी अटकेत : भिवापूर पोलिसांची कारवाई
भिवापूर : चंद्रपूर जिल्ह्यात दारूबंदी लागू करण्यात आली. त्यातच चंद्रपूर जिल्ह्यात विक्रीसाठी नेली जात असलेली दारू भिवापूर पोलिसांनी जप्त केली. या कारवाईमध्ये २२ हजार रुपये किमतीचा ऐवज जप्त केल्याची माहिती पोलिसांनी दिली. ही कारवाई शुक्रवारी दुपारी २ वाजताच्या सुमारास भिवापूर परिसरात करण्यात आली.
कमलेश रामभाऊ गेडेकर (२३, रा. भुयार ता. पवनी जि. भंडारा) असे अटकेतील आरोपीचे नाव आहे. भिवापूर परिसरातून देशी दारूची अवैध वाहतूक केली जात असून, ती दारू चंद्रपूर जिल्ह्यात पोहोचविली जात असल्याची माहिती भिवापूर पोलिसांना मिळाली होती. सदर महितीच्या आधारे पोलिसांनी भिवापूर परिसरात नाकाबंदी करून वाहनांची तपासणी केली. दरम्यान, संशय बळावल्याने पोलिसांनी एमएच-३६/क्यू-८१९१ क्रमांकाची मोटरसायकल अडवून कसून तपासणी केली. या मोटरसायकलवरील पिशवीत देशी दारूच्या ४८ बाटल्या असल्याचे आढळून येताच पोलिसांनी दारूच्या बाटल्या जप्त करून कमलेशला ताब्यात घतले.
जप्त करण्यात आलेल्या मुद्देमालाची किंमत २२ हजार रुपये असल्याचे पोलिसांनी सांगितले. या प्रकरणी भिवापूर पोलिसांनी मुंबई दारूबंदी कायदा कलम ६५ अन्वये गुन्हा नोंदवून तपास सुरू केला आहे. ही कारवाई ठाणेदार मनीष दिवटे यांच्या मार्गदर्शनात मारुती राऊत, भोजराज नाकाडे, भारत तायडे, ओंकार डहारे आदींनी केली. (तालुका प्रतिनिधी)
***