नाशिक : दोन दुचाकींच्या झालेल्या अपघातात दोन युवक गंभीर जखमी झाल्याची घटना शनिवारी (दि.१८) रात्री औरंगाबादरोडवर घडली.गौरव पंडितराव खैरे (रा. शिवकृपानगर, हिरावाडी) व त्याचा मित्र प्रथमेश धनधाव हे या अपघातात जखमी झाले आहेत. त्यांनी दिलेल्या तक्रारीनुसार खैरे व धनधाव हे हिरावाडीकडे जात असताना मिर्ची हॉटेल चौकात ते वळण घेत असताना भरधाव आलेल्या दुचाकीने (एमएच१५, एएल १७५१) त्यांना जोरदार धडक दिली. यात दोघे जखमी असून, त्यांच्यावर उपचार सुरू आहेत. याप्रकरणी आडगाव पोलीस ठाण्यात गुन्हा दाखल करण्यात आलाआहे.सोनसाखळी हिसकावलीरस्त्याने चालत घराकडे येत असलेल्या महिलेच्या गळ्यातील ४६ हजारांची सोनसाखळी चोरट्यांनी हिसकावून पोबारा केल्याचा प्रकार सातपूरच्या जाधव संकुल परिसरात २७ आॅगस्टमध्ये घडली. याप्रकरणी शनिवारी (दि.१९) सातपूर पोलीस ठाण्यात गुन्हा दाखल करण्यात आला आहे. याप्रकरणी कलावती नामदेव काठे (रा. जाधव संकुल, अशोकनगर, सातपूर) यांनी तक्रार दिली आहे. त्यानुसार काठे या २७ आॅगस्टला दुपारी घराकडे येत रस्ता ओलांडत असताना समोरून काळ्या रंगाची दुचाकी जवळ आली. अचानक त्यांनी काठे यांच्या गळ्यातील दोन तोळ्याची ओम पान असलेली सानसाखळी हिसकावली.या झटापटीत अर्धी पोत तुटून त्यांच्या हातात आली, तर उर्वर्रित दीड तोळ्याची साखळी घेऊन संशयितांनी पळ काढला. याप्रकरणी सातपूर पोलीस ठाण्यात गुन्हा दाखल करण्यात आला आहे.
दुचाकीच्या धडकेत युवक गंभीर
By लोकमत न्यूज नेटवर्क | Updated: September 21, 2020 01:19 IST