वाकद शिरवाडे अपघातात दांपत्याचा मृत्यू

वाकद शिरवाडे अपघातात दांपत्याचा मृत्यू

 लासलगाव : वाकद शिरवाडे गावालगत असलेल्या सातमोरी पुलाजवळ झालेल्या अपघातात दांपत्याचा मृत्यू झाल्याची घटना घडली.निफाड येथील जैन मंदिराच्या पाठीमागे वास्तव्यास असलेले गोविंद रघुनाथ गायकवाड व त्यांच्या पत्नी अनुराधा हे चासनळी येथे कावीळचे औषधे घेण्यासाठी निघाले होते. त्यांच्या मालकीचे छोटा हत्ती वाहन क्रमांक एमएच-०४ -पीयू-३४२० कोळपेवाडी रस्त्याने मार्गक्रमण करत असतांना वाकद शिरवाडे गावाच्या पुढे सातमोरी पुलाजवळ अचानक समोरून आलेल्या ट्रक (एमडब्लूए-७०५२) ने त्यांच्या वाहनाला जोरदार धडक दिल्याने गायकवाड दांपत्यान्च्या डोक्याला गंभीर दुखापत झाल्याने तसेच मोठ्या प्रमाणात रक्तस्त्राव झाल्याने त्यांचा जागीच मृत्यू झाला. नागरिक आणि पोलिसांच्या मदतीने खाजगी क्र ेनने दोघांचे मृतदेह बाहेर काढण्यात आले. ट्रकचालकाने घटनास्थळावरून पळ काढला आहे. याबाबत जयेश अरु ण जगताप यांनी लासलगाव पोलीस ठाण्यात फिर्याद दिलेली आहे. या घटनेची लासलगाव पोलीस ठाण्यात नोंद झाली असून पोलीस उपनिरीक्षक आर. बी. सानप यांच्या मार्गदर्शनाखाली पुढील तपास पोलीस कॉन्स्टेबल बिन्नर, दरगुडे करीत आहेत. (वार्ताहर)