लोकनेते दत्ताजी पाटील विद्यालयात मतदान जागृती

लासलगाव - येथील लासलगाव शिक्षण सहाय्यक मंडळ संचलित लोकनेते दत्ताजी पाटील विद्यालयात मतदान जनजागृती पाठशाळा संपन्न झाली.या पाठशाळेत विद्यार्थ्यांना मतदार जनजागृती ,मतदार नोंदणी ,ईव्हीएम,व्हीव्हीपॅट तसेच जे लोक अशिक्षित आहेत, त्यांना प्रबोधन करु न मतदानाचा हक्क बजावण्यास परावृत्त करण्यास सांगण्यात आले. विद्यार्थ्यांनी प्रतिज्ञा घेऊन सर्व नागरिकांना मतदान करण्यासाठी जागरूक करु व आपल्या पालकांसोबत मतदान बजवल्यानंतर सेल्फी घेऊ असे प्रतिपादन केले.याप्रसंगी संस्थेचे अध्यक्ष नानासाहेब पाटील , सचिव संजय पाटील , उपाध्यक्ष निवृत्ती गायकर , संचालिका निता पाटील , संस्थेच्या कार्यकारी अधिकारी वैष्णवी पाटील ,शंतनू पाटील ,सिताराम जगताप ,प्राचार्य बाबासाहेब गोसावी ,पर्यवेक्षक रमेश सोनवणे ,बीएलओ,तलाठी आदी मान्यवर उपस्थित होते. सुत्रसंचलन वसंत साबळे यांनी केले.