इगतपुरी : नगर परिषदेच्या विविध समित्यांच्या सभापतींची निवड नगर परिषद सभागृहामध्ये बिनविरोध पार पडली. याप्रसंगी पीठासन अधिकारी नायब तहसीलदार प्रवीण गोंडाळे यांच्यासह मुख्याधिकारी पंकज गोसावी व नगराध्यक्ष संजय इंदुलकर उपस्थित होते .यावेळी आरोग्य सभापती म्हणून सुनील रोकडे, नियोजन व विकास सभापतिपदी उपगराध्यक्ष नईम खान, महिला व बालकल्याण समितीच्या सभापती म्हणून सीमा जाधव,
सार्वजनिक बांधकाम सभापतिपदी नगरसेवक संपत डावखर, पाणीपुरवठा सभापतिपदी नगरसेवक गजानन कदम, यांची बिनविरोध निवड करण्यात आली.
याप्रसंगी स्थायी समितीचे सभापती तथा नगराध्यक्ष संजय इंदुलकर यांच्यासह पदाधिकाऱ्यांनी नवनिर्वाचित सभापतींचा पुष्पगुच्छ, शाल देऊन सत्कार केला.
शहर विकासाला बळ देत शहराचा कायापालट करून इगतपुरीला हरित व सुंदर करण्याचा मानस यावेळी सदस्यांनी केला.
यावेळी तहसीलचे लेखा अधिकारी राजू भालेराव, स्थायी सभा अधीक्षिका मोनिका शेवाळे, नगरसेवक उमेश कस्तुरे, युवराज भोंडवे, विनोद कुलथे, नगरसेविका साबेरा पवार, अपर्णा धात्रक, उज्ज्वला जगदाळे, आरती कर्पे, गीता मेंगाळ, मीना खातळे, रोशनी परदेशी, आशा सोनवणे उपस्थित होते.
इन्फो :
शहराचे व नागरिकांचे आरोग्य चांगले रहावे याकरिता घनकचरा विघटन व प्रक्रिया तसेच प्रत्येक प्रभागात वृक्षारोपण, जैविक खत प्रकल्प, सांडपाण्याचा निचरा, घंटागाडी नियोजन ओला कचरा, सुका कचरा वर्गीकरण, प्रत्येक प्रभागात डास मारण्याच्या फवारण्या आदी आरोग्याच्या सोयी सुरळीत करून आरोग्याला प्रथम प्राधान्य देणार.
- सुनील रोकडे, आरोग्य सभापती