ठळक मुद्देभारतीय हत्यार कायद्यान्वये गुन्हा दाखल
नाशिक : दसकगाव स्मशानभूमीजवळ संशयास्पदरीत्या फिरणाऱ्या तरुणाकडून नाशिकरोड पोलिसांनी गावठी कट्ट्यासह दोन जिवंत काडतुसे जप्त केली आहेत़ अमोल अंबादास वाडेकर (२३, रा. पानसरे यांच्या चाळीत, गणेशनगर, जुना सायखेडा रोड, जेलरोड) असे अटक केलेल्या संशयिताचे नाव आहे.
संशयित वाडेकर याच्याकडे गावठी कट्टा असल्याची माहिती नाशिकरोड पोलिसांना मिळाली होती़ त्यानुसार सोमवारी (दि़१५) सायंकाळी साडेसात वाजेच्या सुमारास दसक गाव स्मशानभूमीजवळ संशयास्पदरीत्या फिरत असलेल्या वाडेकर यास ताब्यात घेऊन त्याची झडती घेतली असता त्याच्याकडे गावठी कट्टा दोन जिवंत काडतुसे आढळून आली़
या प्रकरणी पोलीस शिपाई विशाल पाटील यांच्या फिर्यादीवरून नाशिकरोड पोलीस ठाण्यात संशयित वाडेकरविरोधात भारतीय हत्यार कायद्यान्वये गुन्हा दाखल करण्यात आला आहे.